မြန်မာလူထု ၃ သန်းကျော် စားနပ်ရိက္ခာအခက်တွေ့လာနိုင်ကြောင်း WFP သတိပေး



Share/Bookmark
ဧပြီလ ၁၂ ရက်နေ့က ရန်ကုန်မြို့ နေရာ တခုရှိ ဘဏ်တခုမှာ ငွေထုတ်ဖို့ စောင့်နေသူများ။ (ဧပြီ ၁၂၊ ၂၀၂၁)

မြန်မာနိုင်ငံမှာ လာမယ့်လတွေအတွင်း လူ သန်းနဲ့ချီပြီးတော့ စားနပ်ရိက္ခာ အခက်တွေ့နိုင်တယ်လို့ ကမ္ဘာ့စားနပ်ရိက္ခာအဖွဲ့ (WFP) က သတိပေးပါတယ်။

"လာမယ့် ၆ လအတွင်း ခန့်မှန်းခြေ လူဦးရေ ၃,၄၀၀,၀၀၀ လောက်အထိဟာ အစားအသောက် မလုံလောက်တဲ့ အခြေအနေကို စိုးရိမ်ဖွယ်ရာအဆင့် ရင်ဆိုင်ရနိုင်တယ်လို့ WFP က ခန့်မှန်းထားပြီး ကျနော်တို့ကိုယ်တိုင်နဲ့ တခြားအဖွဲ့အစည်းတွေဆီက အကူအညီ လိုလာနိုင်ပါတယ်။" လို့ WFP ရဲ့ မြန်မာနိုင်ငံဆိုင်ရာ ဒုတိယဌာနေညွှန်ကြားရေးမှူး Marcus Priou က AP သတင်းဌာနနဲ့ ဗုဒ္ဓဟူးနေ့ မေးမြန်းခန်းအတွင်း ပြောသွားပါတယ်။

ဘဏ်လုပ်ငန်းလည်ပတ်မှု တစိတ်တပိုင်း ရပ်ဆိုင်းနေတာကြောင့် မြန်မာနိုင်ငံအတွင်း ငွေလွှဲတာ၊ ပြည်ပကနေ ငွေပေးပို့တာတွေ မလုပ်နိုင်တော့တဲ့ အခက်အခဲနဲ့ ရင်ဆိုင်နေရတာ၊ စျေးကွက်မှာ စားနပ်ရိက္ခာ ရှားပါးလာနိုင်တာ စတဲ့အခြေအနေတွေကို သူကထောက်ပြပြီး အခုလိုသတိပေးတာပါ။

ငွေထုတ်ဖို့ တန်းစီနေတဲ့ လူတန်းရှည်ကြီးတွေကို တခါမှ မတွေ့စဖူး တွေ့နေရပါတယ်လို့ Marcus Priou က ပြောပါတယ်။

စစ်တပ်က အာဏာသိမ်းပြီးနောက်ပိုင်း စားနပ်ရိက္ခာ လိုအပ်ချက် ပြဿနာနဲ့ ဘဏ္ဍာရေး အကျပ်အတည်း သိသိသာသာ ပိုဆိုးလာနေတယ်လို့ မကြာသေးခင်ရက်ပိုင်းအတွင်းကလည်း WFP က သတိပေးထားပါတယ်။

COVID 19 ရောဂါ ကူးစက်မှာ စိုးရိမ်ပြီး လုပ်ငန်းတွေ ရပ်ဆိုင်းထားတဲ့အတွက် ဆင်းရဲနွမ်းပါးတဲ့ အခြေအနေ ပိုဆိုးလာတဲ့ အထူးသဖြင့် ဆင်ခြေဖုံးဒေသတွေမှာ နေထိုင်သူတွေဟာ အခု ပေါ်ပေါက်လာတဲ့ နိုင်ငံရေးအကျပ်အတည်းကြောင့် ရပ်တည်ရေးအတွက် အခက်အခဲတွေ ထပ်ပြီး ကြုံနေရတယ်လို့လည်း ပြောဆိုသွားပါတယ်။

ကုန်ထုတ်လုပ်မှုလုပ်ငန်းတွေ၊ ဆောက်လုပ်ရေးနဲ့ ဝန်ဆောင်မှုလုပ်ငန်းတွေမှာ အလုပ်သမား တော်တော်များများ အလုပ်ပြုတ်နေတာကြောင့် မြို့ပြဆင်ခြေဖုံးမှာ အစားအစာဝယ်ဖို့တောင် ငွေကြေး မတတ်နိုင်တဲ့ အခြေအနေနဲ့ ပိုပြီး ကြုံလာနေရတဲ့အကြောင်း WFP တာဝန်ရှိသူတွေက သတိပေးနေပါတယ်။


ဗွီအိုအေ (မြန်မာပိုင်း)

https://burmese.voanews.com/a/myanmar-military-coup-and-wfp/5871135.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ