မြန်မာမှာ သဘာဝဓာတ်ငွေ့ တူးဖော်မှု ရပ်လိုက်လို့ PTT ထိုင်းကုမ္ပဏီ တင်ဒါခေါ်



Share/Bookmark

မြန်မာနိုင်ငံတွင်းက သဘာဝဓာတ်ငွေ့ တူးဖော် ထုတ်လုပ်ရေး လုပ်ကွက်တွေမှာ သဘာဝ ဓာတ်ငွေ့ ထုတ်လုပ်နေတာတွေကို ယာယီရပ်ဆိုင်းခဲ့အပြီးမှာ PTT ထိုင်းကုမ္ပဏီက ထိုင်းနိုင်ငံတွင်း နွေရာသီကာလ သဘာဝဓာတ်ငွေ့ လိုအပ်လာမှုတွေကို ဖြေရှင်းနိုင်ဖို့အတွက် သဘာဝဓာတ်ငွေ့ရည် မှာယူ တင်သွင်းနိုင်ရေး ကြိုးစားနေတယ်လို့ လုပ်ငန်းနဲ့ ပတ်သက်တဲ့ အသိုင်းအဝိုင်း ၂ ခုက အင်္ဂါနေ့က ထုတ်ဖော်ပြောပါတယ်။

ထိုင်းနိုင်ငံထဲကို လာမယ့် မေလ ၇ ရက်ကနေ ၁၅ ရက်အတွင်း သဘာဝဓာတ်ငွေ့ရည် တင်သွင်းရမှာ ဖြစ်ပြီး အဲဒီအတွက် တင်ဒါ ကို ဧပြီလ ၇ ရက် နောက်ဆုံးထားပြီး လျှောက်ထားရမှာ ဖြစ်ပါတယ်။

မလေးရှားက စွမ်းအင် ကုမ္ပဏီ တခုဖြစ်တဲ့ ပက်ထရိုးနပ်စ် ကုမ္ပဏီကလည်း ရဲတံခွန် သဘာဝဓာတ်ငွေ့ တူးဖော်ထုတ်လုပ်ရေး လုပ်ကွက်တွေမှာ သဘာဝဓာတ်ငွေ့ ထွက်ရှိမှု အလွန်အမင်း ကျဆင်းလာနေတာကြောင့် ထုတ်လုပ်မှုတွေ ယာယီရပ်ဆိုင်းမယ်လို့ ပြီးခဲ့တဲ့ သီတင်းပတ်အတွင်းက ကြေညာခဲ့ပါတယ်။

အဲဒီ ရဲတံခွန် သဘာဝဓာတ်ငွေ့ တူးဖော်ထုတ်လုပ်ရေး လုပ်ကွက်ဟာ ကပ္ပလီပင်လယ်ပြင်မှာ ရှိပြီး ထိုင်းကို သဘာဝဓာတ်ငွေ့ တင်ပို့နေတဲ့ အဓိကလုပ်ကွက် ၃ ခုထဲက ၁ ခု ဖြစ်ပါတယ်။ ကျန်တဲ့ ကုမ္ပဏီတွေကတော့ ရတနာနဲ့ ဇောတိက တို့ ဖြစ်ပါတယ်။

ရဲတံခွန်လုပ်ကွက်က တင်သွင်းတဲ့ သဘာဝဓာတ်ငွေ့ ပမာဏက သိပ်မများလှပေမယ့်အခုလို ရပ်ဆိုင်းလိုက်တဲ့ အတွက် ထိုင်းနိုင်ငံအတွင်း သဘာဝဓာတ်ငွေ့ လိုအပ်ချက် ပိုမြင့်တက်လာနေပါတယ်။ အထူးသဖြင့်အပူချိန် အမြင့်ဆုံး နွေရာသီကာလတွေအတွက် လိုအပ်နေတာကြောင့် အခုလို သဘာဝ ဓာတ်ငွေ့ တင်သွင်းဖို့တွေ လုပ်လာရတာ ဖြစ်တယ်လို့ ဆိုပါတယ်။


BBC Burmese

https://www.bbc.com/burmese/live/burma-56582387



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ