ရန်ကုန်၊ဧပြီ ၂၈၊၂၀၂၁
KNUနဲ့စစ်တပ် လက်ရှိဖြစ်နေသောတိုက်ပွဲတွေမှာ စစ်တပ်ဘက်က ကျဆုံးမှုများနေလို့ သထုံမြို့နယ်၊ ကျိုက္ကော်မှ အကောင်းကြိုက်ထမင်းဆိုင်ပိုင်ရှင်ကို KNUသတင်းပေးဟု စွပ်စွဲကာ ဒီကနေ့နေ့လယ်ပိုင်းက စစ်တပ်ကနေ လာရောက်ဖမ်းဆီးခဲ့တယ်လို့ ဒေသခံတွေဆီကနေ သိရပါတယ်။
" ၂၃ ရက်နေ့က KNU က စစ်တပ်ကို ပစ်ခတ်တဲ့ ဖြစ်စဉ်မှာ ကျဆုံးမှုတွေရှိလို့ အကောင်းကြိုက်ဆိုင်ပိုင်ရှင်က KNU ကို သတင်းပေးလို့ဆိုပြီး မတရားစွပ်စွဲပြီး ညနေ ၃နာရီက လာဖမ်းသွားတာ၊ စစ်ကားနှစ်စီးနဲ့ သထုံခရိုင်ရုံးက စစ်ဆေးမေးမြန်းစရာရှိတယ်ဆိုပြီး လာဖမ်းခဲ့တာဖြစ်တယ်"လို့ ဒေသခံတစ်ဦးက VOMကို ပြောပါတယ်။
သထုံမြို့နယ်၊ ကျိုက္ကော် က ဆန္ဒပြပွဲတွေမှာ ပစ်ခတ်မှုတွေပြုလုပ်မှာစိုးလို့ ကရင်အမျိုးသားအစည်းအရုံး KNUက ဝန်းရံပေးခဲ့ရာကနေ စစ်တပ်နဲ့တိုက်ပွဲတွေ စတင်ခဲ့တာဖြစ်တယ်လို့ ဒေသခံတွေပြောပြချက်အရ သိရပါတယ်။
အေးချမ်းသူ(VOM)
Voice of Myanmar
No comments:
Post a Comment