ဧပြီ ၃ရက်၊ ၂၀၂၁ခုနှစ်။ ကေအိုင်စီ
၎င်းတို့နယ်မြေအတွင်း အာဏာဖီဆန်မှု (Civil Disobedience Movement -CDM)လှုပ်ရှားမှုကို အနှောင့်အယှက်ပြုသည့် မည်သည့် ပုဂ္ဂိုလ်မဆို ထိရောက်စွာ အရေးယူသွားမည်ဟု ကေအဲန်ယူ-ကရင်အမျိုးသားအစည်းအရုံး ၏ ဒူးပလာယာခရိုင်(တပ်မဟာ ၆) က ယနေ့(ဧပြီ ၃ရက်) ကြေညာချက်ထုတ်ကာ ပြောဆိုလိုက်သည်။
စစ်အာဏာသိမ်းမှုကို ဆန့်ကျင်သည့် အာဏာဖီဆန်မှု( CDM)လှုပ်ရှားမှုကို ရပ်တန့်သွားအောင် စစ်ကောင်စီအဖွဲ့ဝင်နှင့် လူပုဂ္ဂိုလ်အချို့သည် နည်းလမ်းအမျိုးမျိုးဖြင့် ဖိအားပေးနှောင့်ယှက်မှုများရှိသည့်အတွက် ကေအဲန်ယူ ဒူးပလာယာခရိုင်က ယခုလို ကြေညာချက်ထုတ်ကာ သတိပေးပြောဆိုလိုက်ခြင်းဖြစ်သည်။
ထို့အပြင် ဒီမိုကရေစီ ဖက်ဒရယ် ပြည်ထောင်စုတည်ဆောက်ရန် တောင်းဆိုဆန္ဒထုတ်ဖော်နေကြသော တိုင်းရင်းသားပြည်သူလူထုများနှင့် CDM လှုပ်ရှားမှုတွင် ပါဝင်သော ပြည်သူ့ဝန်ထမ်းများ၏ အခက်အခဲနှင့် လိုအပ်ချက်များကို မိမိတို့ တတ်နိုင်သည့်ဘက်မှ အစွမ်းကုန်ကူညီဆောင်ရွက်ပြီး အကာအကွယ်ပေးသွားမည်ဟုလည်း ကေအဲန်ယူဒူးပလာယာခရိုင်က ပြောသည်။
Karen Information Center -KIC
Reviewed by THITHTOOLWIN
on
21:11
Rating:
No comments:
Post a Comment