 |
| စစ်အာဏာရှင်ကို မကာကွယ်ဖို့ အာဆီယံခေါင်းဆောင်တွေကို လူငယ်တွေတောင်းဆို ဆန္ဒပြ |
မြန်မာ့အရေး အာဆီယံအဖွဲ့ဝင်နိုင်ငံတွေရဲ့အစည်းအဝေးပွဲမှာ အာဏာသိမ်းစစ်ကောင်စီခေါင်းဆောင်ကို အကာအကွယ်မပေးဖို့ အာဆီယံခေါင်းဆောင်တွေကို လူငယ်တွေက ဒီနေ့ ဧပြီလ ၂၃ ရက်မှာ ရန်ကုန်မြို့လယ်မှာ ဆန္ဒပြတောင်းဆိုသွားပါတယ်။
အင်ဒိုနီးရှားနိုင်ငံ၊ ဂျာကာတာမြို့မှာ မနက်ဖြန် ဧပြီလ ၂၄ ရက်မှာ ကျင်းပဖို့ရှိတဲ့ မြန်မာ့အရေးဆွေးနွေးပွဲကို စစ်ကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် တက်ရောက်ဖို့ရှိနေချိန်မှာ လူငယ်တွေက အခုလိုလမ်းပေါ်တက် ဆန္ဒပြခဲ့ကြတာပါ။
 |
| စစ်အာဏာရှင်ကို မကာကွယ်ဖို့ အာဆီယံခေါင်းဆောင်တွေကို လူငယ်တွေတောင်းဆို ဆန္ဒပြ |
ရန်ကုန် မြို့နယ်အသီးသီးက လူငယ်တွေပါဝင်တဲ့ ဒီဆန္ဒပြပွဲကို လသာမြို့နယ်ရဲစခန်းအနီး မဟာဗန္ဓုလလမ်းမပေါ်တွင် ပြုလုပ်ခဲ့တာဖြစ်ပါတယ်။
ရဲန့ဲစစ်သားတွေရဲ့ ဖိနှိပ်မှုတွေကြားက လူငယ်တွေက မြို့လယ်ကောင်အထိထွက်ပြီး ဆန္ဒပြတောင်းဆိုခဲ့ကြတာပါ။
လူစုခွဲပြီးတဲ့နောက် ရဲတွေ ဆိုင်ကယ်တွေနဲ့ ရောက်လာခဲ့ပေမဲ့ ဆနဒပြသူတွေ ဖမ်းဆီးခံရတာမျိုးတော့ မရှိခဲ့ပါဘူး။
BBC Burmese
Reviewed by THITHTOOLWIN
on
22:14
Rating:
No comments:
Post a Comment