ဦးဝင်းထိန်ကို အွန်လိုင်းက ရုံးထုတ်၊ လျှောက်လဲချက်သုံးခု နောက်ရုံးချိန်းမှာ အမိန့်ချမယ်



Share/Bookmark

နိုင်ငံတော်အကြည်ညိုပျက်စေမှု ပုဒ်မ၁၂၄( က) နဲ့တရားစွဲဆိုခံထားရတဲ့အမျိုးသားဒီမိုကရေစီအဖွဲ့ချုပ် NLD နာယက ဦးဝင်းထိန်ကို ဒီကနေ့ အွန်လိုင်းကနေ ရုံးထုတ်ခဲ့တယ်လို့ သူ့ရဲ့ ရှေ့နေ ဒေါ်မင်းမင်းစိုးက ပြောပါတယ်။

စွပ်စွဲခံရသူနဲ့ ရှေ့နေတွေ့ဆုံပြီး ညွှန်ကြားချက် ရယူခွင့်ရဖို့၊ အများပြည်သူရှေ့ စစ်ဆေးတဲ့ အခွင့်အရေးရဖို့နဲ့ အာမခံနဲ့ အချုပ်လွတ် ထုချေခွင့် ပေးဖို့ အချက်သုံးချက်ကို ဒီရုံးချိန်းမှာ လျှောက်လဲခဲ့ပြီး အဲဒါတွေကို နောက်ရုံးချိန်း ဧပြီ ၉ ရက်မှာ တရားရုံးက အမိန့်ချဖို့ ရှိတယ်လို့ ဆိုပါတယ်။

နေပြည်တော် ဒက္ခိဏခရိုင်တရားရုံးမှာ တရားစွဲဆိုခံထားရတဲ့ ဦးဝင်းထိန်ဟာ အသက်အရွယ်နဲ့ မူလ ရောဂါအခံကြောင့် ကျန်းမာရေးမကောင်းပေမဲ့ ဒီကနေ့ ရုံးချိန်းမှာ ရွှင်ရွှင်လန်းလန်း တွေ့ရကြောင်းလည်း ဒေါ်မင်းမင်းစိုးက ပြောပါတယ်။

ဖေဖော်ဝါရီ ၁ ရက် စစ်အာဏာသိမ်းပြီးနောက် မီဒီယာနဲ့ တွေ့ဆုံခဲ့စဥ် ဒေါ်အောင်ဆန်းစုကြည်ရဲ့ ပြည်သူသို့ ပန်ကြားချက်စာနဲ့ ပတ်သက်ပြီး ပြောကြားချက်တွေအရ အခုလို တရားစွဲဆိုခံထားရတဲ့ ဦးဝင်းထိန်ကို နေပြည်တော် အကျဥ်းထောင်မှာ ထားရှိတယ်လို့လည်း ဆိုပါတယ်။


BBC Burmese

https://www.bbc.com/burmese/live/burma-56582387



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ