ဧပြီ ၃၀ ရက်၊ ၂၀၂၁ ခုနှစ်။ သူးလေသတင်းစဥ်
ကေအဲန်ယူ- ဒူးပလာယာခရိုင် (ကရင်ပြည်နယ် ဘုရားသုံးဆူမြို့)တွင် ဧပြီ (၂၄) ရက်နေ့ သပိတ်စစ်ကြောင်း ဖြိုခွင်းခံရပြီး ဆန္ဒပြမှုများရပ်တန့်ချိန်တွင် မြို့တွင်းအာဏာသိမ်းစစ်အုပ်စုမှ ခန့်အပ်ထားသော အုပ်ချုပ်ရေးမှူး များမှ ဆန္နပြပြည်သူများအား ဝရမ်းများ ထုတ်ခဲ့ကြောင်း သိရှိရသည်။
သပိတ်စစ်ကြောင်းတွင်ပါဝင်သော Generation Z နေအိမ်များတွင်း အာဏာသိမ်းစစ်အုပ်စု တပ်ဖွဲ့များမှ အင်အားအလုံးအရင်းဖြင့် ရှာဖွေမှုများရှိပြီး ဧပြီ (၂၈) ရက်နေ့တွင် အမှတ် ၁ အုပ်ချုပ်ရေးမှူးဟောင်း နေအိမ်တွင် ရှာဖွေ မှုများ ပြုလုပ်ခဲ့ကြောင်း သိရှိရသည်။
ဘုရားသုံးဆူမြို့တွင်တစ်နေ့ တစ်ခြား ဆိုးရွားလာသော အာဏာသိမ်းအကြမ်းဖက် စစ်အုပ်စုတပ်ဖွဲ့ဝင်များ လုပ်ရပ်ကြောင့် မြို့တွင်းလုံခြုံမှုကင်းမဲ့ လာသည်ဟု အမည်မဖော်လိုသူ ဘုရားသုံးဆူမြို့ ဒေသခံများမှ ပြောသည်။
Thoolei News - KNU -Department Of Information
Reviewed by THITHTOOLWIN
on
21:02
Rating:
No comments:
Post a Comment