အောင်ပန်းမြို့ အမျိုးသားတဦး ကို စစ်ကောင်စီမှ သေနတ်ပစ်သတ်



Share/Bookmark

ဧပြီ ၁၉ ရက် ၂၀၂၁

သျှမ်းပြည် တောင်ပိုင်း အောင်ပန်းမြို့ တွင် အကြမ်းဖက်စစ်ကောင်စီမှ အမျိုးသားတဦးကို သေနတ်ပစ်သတ်ခဲ့ပြီး မိသားစုဝင်များကို အလောင်းသွားထုတ်ခိုင်းခဲ့ကြောင်း သတင်းရရှိသည်။

ဖြစ်စဉ်မှာ ဧပြီ ၁၁ရက် ည (၁၁)နာရီ ဝန်းကျင်တွင် သူငယ်ချင်းဖြင့် သောက်စားပြီး နေအိမ်ပြန်လာသည့် ပန်းရံဆရာ သည် ဧည့်စာရင်း လိုက်လံ စစ်ဆေးနေသည့် အကြမ်းဖက် စစ်ကောင်စီနှင့် တိုးခဲ့သဖြင့် စစ်ကောင်စီမှ သေနတ်ပစ်ကာ ဖမ်းဆီးခေါ်ဆောင်သွားခဲ့သည်။

ထို့နောက် ဧပြီ ၁၄ရက်တွင် ပန်းရံဆရာ၏ မိသားစုဝင်များထံ အကြမ်းဖက်စစ်ကောင်စီ မှ အလောင်းလာထုတ်ယူရန် အကြောင်းကြားခဲ့ကြောင်း အောင်ပန်း ဒေသခံ သတင်းပေးပို့ချက် အရသိရသည်။

“ အဲ့ညက ဆိုင်ကယ်တစီးနဲ့ ပြန်လာချိန် ရပ်ကွက်နားမှာ စစ်တပ်နဲ့တိုးတော့ သူကို ရပ်ခိုင်းတယ်လေ။ သူက မူးနေတော့ ကြောက်စိတ်နဲ့ ထွက်ပြေးတော့ စစ်တပ်က သေနတ်ပစ်လိုက်တယ်။ အဲ့မှာ ဖမ်းခေါ်သွားတယ်။ ဧပြီ ၁၄ရက်မှ အလောင်းလာထုတ်ဖို့ အကြောင်းကြားလာတယ်” ဟု အောင်းပန်းမြို့ ဒေသခံတဦး က ဆိုသည်။

အကြမ်းဖက်စစ်ကောင်စီမှ ပန်ရံဆရာကို သေနတ်ဖြင့် ၂ချက် ပစ်ခဲ့ကြောင်း၊ ထိုပစ်ခံရသည့် သူကိုလည်း ဖမ်းဆီးခေါ်ဆောင်ခဲ့ကြောင်း သိရသည်။

အဆိုပါ သေဆုံးသွားသည့်၏ ရုပ်အလောင်းကို ဧပြီ ၁၅ ရက်နေ့မနက်ပိုင်းအချိန်တွင် သဂြိုဟ်ခဲ့ကြောင်း သိရသည်။

လက်ရှိ သေနတ်ပစ်ခံရပြီး သေဆုံးသွားသည့်၏ နေအိမ်အနီးအတွင် စစ်ကောင်စီ အုပ်စုမှ စခန်းချထားပြီး၊ အောင်ပန်းမြို့ ရှိ လူထုများ သပိတ်စစ်ကြောင်း ချီတက်ခွင့်မရအောင် လမ်းတိုင်းတွင် စစ်ကောင်စီအုပ်စု စောင့်နေကြောင်း အောင်ပန်း ဒေသခံများက ပြောသည်။

မတ် (၁၉ )ရက်တွင် စစ်အာဏာရှင် ဆန့်ကျင် သည့် လူထုသပိတ် စစ်ကြောင်းကို အကြမ်းဖက်စစ်ကောင်စီမှ သေနတ်ပစ်ခတ်ဖြိုခွင်းခဲ့သဖြင့် အရပ်သား (၉ )ဦး ထက်မနည်း သေဆုံးခဲ့ကြောင်း သိရသည်။

ဖေဖော်ဝါရီ ၁ ရက်နေ့မှ စစ်အာဏာသိမ်းပြီးနောက်ပိုင်း စစ်ကောင်စီမှ သတ်ဖြတ်မှုကြောင့် သေဆုံးခဲ့သူ (၇၃၇) ဦး ကျော်ရှိပြီး ဖြစ်ကြောင်း AAPP မှထုတ်ပြန်ထားသည်။


SHAN News (Burmese Version)

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ