တရုတ်နိုင်ငံအား အိမ်နီးချင်းအဖြစ်မှ သင်္ဂြုလ်လိုက်ကြောင်း စစ်ကိုင်းမြို့ရှိတက်ကြွလူငယ်များမှ စျာပနအခမ်းအနားပြုလုပ်



Share/Bookmark



စစ်ကိုင်း၊ ဧပြီ ၁၂

စစ်ကိုင်းမြို့ ဘော်ဂါကျောက်ပုတီးဝိုင်းတွင် ယနေ့နံနက်ပိုင်းက တရုတ်နိုင်ငံအား အိမ်နီးချင်းနိုင်ငံအဖြစ်မှ ပယ်ဖျက်ပြီး သင်္ဂြိုလ်ခြင်းအခမ်းအနားကို တရုတ်ရိုးရာစျာပနအတိုင်းပြုလုပ်ခဲ့သည်။

ပြီးခဲ့သည့် ဖေဖော်ဝါရီ၁ရက်နေ့က မြန်မာစစ်တပ်မှ နိုင်ငံတော်အာဏာကိုသိမ်းယူပြီးသည့်နောက်ပိုင်း စစ်အာဏာရှင်ဆန့်ကျင်ရေးဆန္ဒပြမှုများဖြစ်ပေါ်ခဲ့ပြီး ရက်ပေါင်း ၇၁ ရက်အတွင်း နိုင်ငံတစ်ဝှမ်းတွင် ကျဆုံးသူစုစုပေါင်း (၇၀၆) ဦးရှိပြီဖြစ်ကာ ဖမ်းဆီးထိန်းသိမ်းခံရသူ (၃၀၀၀) ကျော်ရှိခဲ့ပြီဖြစ်ကြောင်း AAPP ၏ စစ်တမ်းအရသိရသည်။

အဆိုပါအခြေအနေတွင် နိုင်ငံတစ်ကာမှ မြန်မာနိုင်ငံကို ပိတ်ဆို့အရေးယူမှုများပြုလုပ်နေပြီး၊ ကုလသမဂ္ဂအဖွဲ့အစည်းကိုပါ မြန်မာနိုင်ငံသို့ R2P ဝင်ရောက်ရန် ဝိုင်းဝန်းတောင်းဆိုနေကြချိန်တွင် တရုတ်နှင့်ရုရှားကဲ့သို့သော ဗီတိုအာဏာသုံးခွင့်ရှိ​သောနိုင်ငံများမှ ကန့်ကွက်ခြင်းကို မြန်မာနိုင်ငံသားများမှ အိမ်နီးချင်းကောင်းမပီသသောလုပ်ရပ်ဟု လက်ခံကာ ပြစ်တင်ဝေဖန်မှုများလုပ်လျက်ရှိကြသည်။

တရုတ် - မြန်မာ နှစ်နိုင်ငံဆက်ဆံရေးသည် ၆၇ နှစ်ကြာမြင့်ခဲ့ပြီဖြစ်ကာ၊ တရုတ်နိုင်ငံသည် မြန်မာနိုင်ငံတွင် စီးပွားရေးအရ ဒုတိယရင်နှီးမြှုပ်နှံမှုအများဆုံးနိုင်ငံလည်းဖြစ်သည်။ သို့သော်လည်း စီးပွားရေးကိစ္စရပ်မဟုတ်သည့် နိုင်ငံရေးကိစ္စရပ်များတွင် တရုတ်အစိုးရမှပါဝင်ပတ်သတ်နေခြင်းကို မြန်မာပြည်သူများမှ လက်မခံကြောင်း ပြသနေကြခြင်းဖြစ်သည်။


Zeyar Time

https://www.facebook.com/Zeyar-Time-755499004652013/



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ