မိတ္ထီလာ လေတပ်စခန်း ရှော့တိုက်ဒုံးနဲ့ အပစ်ခံရ



Share/Bookmark
မိတ္ထီလာ လေတပ်စခန်း ရှော့တိုက်ဒုံးနဲ့ အပစ်ခံရ မန္တလေးတိုင်း၊ မိတ္ထီလာမြို့က ရှမ်းတဲ လေတပ်စခန်း ကို တွေ့ရစဉ် / Photo: Citizen Journalist

မန္တလေးတိုင်း၊ မိတ္ထီလာမြို့မှာ ဒီကနေ့ ဧပြီလ ၂၉ ရက်နေ့ မနက်က ရှမ်းတဲ လေတပ်စခန်းကို ရှော့တိုက်ဒုံး ခြောက်လုံးနဲ့ ချိန်ထားပြီး ပစ်ခတ်ဖို့ပြင်ဆင်ထားရာမှာ ငါးလုံး ပေါက်ကွဲပြီး တစ်လုံးကိုတော့ စစ်ကောင်စီ တပ်ဖွဲ့ဝင်တွေက ရှာဖွေတွေ့ရှိခဲ့တယ်လို့ မိတ္ထီလာမြို့က မျက်မြင်တွေ့ရှိခဲ့သူတွေက ပြောပါတယ်။

"မနက် ၅ နာရီလောက်ကစပြီး ရေတွင်းဖြူနားမှာ အသံတွေကြားရတာ။ နောက်တစ်ခါ မြို့ထဲမှာ ကြားရတယ်။ နှစ်လုံးမြောက်ပစ်ခတ်ပြီးတဲ့အချိန်မှာ တည်နေရာကို သိသွားတယ်။ ထုတာတော့ ရှမ်းတဲ လေတပ်ကို ထုတာဖြစ်လိမ့်မယ်၊ ကျော်လာပြီး ရွာတွေထဲကျတာ၊ လူမရှိတဲ့နေရာဖြစ်လို့ အထိအခိုက်တော့ မရှိဘူး၊ အခုကတော့ အေးဆေးဖြစ်သွားပါပြီ၊ မြို့မှာ လက်လုပ်ဗုံးတွေနဲ့ ထုတာသာရှိပေမယ့် အခုလို ရှော့တိုက်ဒုံးနဲ့ ထုတာတော့ မရှိခဲ့ဖူးဘူး" လို့ မိတ္ထီလာမြို့ ဒေသခံတစ်ယောက်က ပြောပါတယ်။

အခုလို ရှော့တိုက်ဒုံးကို ဘယ်သူတွေက အသုံးပြုသွားတယ်ဆိုတာတော့ ဒေသခံတွေလည်း မသိကြဘူးလို့ ဆိုပါတယ်။

လတ်တလောမှာတော့ မန္တလေးကနေ မိတ္ထီလာကိုဝင်တဲ့ ရှမ်းတဲ အဝင်လမ်းကို စစ်ကောင်စီက ပိတ်ထားတယ် လို့ သိရပါတယ်။


RFA Burmese

https://www.rfa.org/burmese/news/meikhtila-airforce-attack-04292021033215.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ