မြန်မာနဲ့ စီးပွားရေးလုပ်ရင် သတိထားဖို့ ကနေဒါကုမ္ပဏီတွေကို ကနေဒါအစိုးရ အကြံပြု



Share/Bookmark
စစ်အာဏာသိမ်းအပြီး ကန့်ကွက်ဆန္ဒပြမှုတွေ

ကနေဒါ ကုမ္ပဏီတွေအနေနဲ့ မြန်မာနိုင်ငံက ကုမ္ပဏီတွေနဲ့ စီးပွားရေး ပူးတွဲ လုပ်ကိုင်တဲ့အခါ ဒဏ်ခတ်ပိတ်ဆို့မှုတွေ၊ ထုတ်ကုန် ထိန်းချုပ်ထားမှုတွေကို လေးစားလိုက်နာဖို့နဲ့ မြင့်မားတဲ့ လူ့အခွင့်အရေး စံချိန် စံညွှန်းတွေအတိုင်း ဆောင်ရွက်ဖို့ ကနေဒါအစိုးရက သတိပေးချက် ထုတ်ပြန်လိုက်ပါတယ်။

မြန်မာနိုင်ငံမှာ ဖေဖော်ဝါရီလ ၁ ရက်နေ့က အာဏာသိမ်းခဲ့တဲ့ စစ်တပ်ရဲ့ ပစ်ခတ်ဖြိုခွဲမှုတွေအတွင်း ဆန္ဒပြသူ ရာပေါင်းများစွာ သေဆုံးခဲ့ရချိန်မှာပဲ ကနေဒါအစိုးရက အခုလို သတိပေးချက် ထုတ်ပြန်လိုက်တာပါ။

ယူကေနဲ့ အမေရိကန်တို့နဲ့အတူ ကနေဒါအစိုးရဟာ အာဏာသိမ်း စစ်ခေါင်းဆောင် ၉ ဦးအပေါ် ဒဏ်ခတ်ပိတ်ဆို့မှုတွေ ချမှတ်ခဲ့သလို မြန်မာစစ်တပ်နဲ့ ဆက်နွှယ်ပတ်သက်နေတဲ့ လူပုဂ္ဂိုလ် စုစုပေါင်း ၅၄ ဦး၊ စီးပွားရေးလုပ်ငန်း ၄၄ ခု ကို ကနေဒါအစိုးရက ဒဏ်ခတ်ပိတ်ဆို့မှုတွေ ချမှတ်ထားပြီး ဖြစ်ပါတယ်။


BBC Burmese

https://www.bbc.com/burmese/live/burma-56582387



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ