ယင်းမာပင် တမ်းရှောင်ရွာသားတွေ ရိက္ခာ အခက်ကြုံ



Share/Bookmark
ယင်းမာပင် တမ်းရှောင်ရွာသားများ

စစ်ကိုင်းတိုင်း ယင်းမာပင်ခရိုင်က ကျေးရွာတွေမှာ စစ်တပ်ကအင်အားသုံး အကြမ်းဖက်စီနင်းမှုကြောင့် ရွာလုံးကျွတ်ထွက်ပြေးနေရတဲ့ အခြေအနေ ဆိုးရွားနေကြောင်း ဒေသခံတွေက ပြောပါတယ်။ ရွာပေါင်း ၂၀ ကျော်က ကလေးသူငယ်ကအစ အသက်ကြီးရွယ်အိုထိ လူပေါင်း ထောင်နဲ့ချီပြီး နီးစပ်ရာ တောတွေဘက်ထွက်ပြေးကြတဲ့ အခြေအနေမျိုး သူတသက်တခါမှ မကြုံဘူးဘူးလို့ လူသားချင်းစာနာမှု စေတနာဝန်ထမ်းဒေသခံတဦးက ဗွီအိုအေကို ပြောပါတယ်။ နွေရာသီကာလ ပူပြင်းတဲ့ဒဏ်ကြောင့် ရွာသူရွာသားတွေ တောထဲမှာ ဒုက္ခအလွန်ရောက်နေတယ်လို့လည်း သူက အခုလိုပြောပါတယ်။

“ အဲဒီမှာ တခါမှလည်း မကြုံဘူးကြတော့ မြင်ရတာတွေ ဒုက္ခတွေပိုပြီးမှကြီးကျယ်တယ်။ အဲဒီမှာ အဓိကစားသောက်ကုန်ဖြစ်တဲ့ ဆန်တွေဆီတွေ ၊ အဝတ်အစားတွေကအစ အခုဆိုရင် ရာသီဥတုကလည်း အရမ်းပူတယ်။ အခုကတော့ အမိုးအကာမရှိပဲနဲ့ တောတွေတောင်တွေထဲမှာ သူတို့တွေ ကျေးရွာကို စွန့်ခွာပြီးတော့ ထွက်ပြေးနေရတဲ့ အနေအထားမျိုး ရှိနေတဲ့အတွက်ကြောင့် ကျနော်တို့ တတ်နိုင်တဲ့ ကျနော်တို့ မိတ်ဆွေတွေကို အကူအညီတောင်းနေရတာရှိတယ်။ သူတို့ စားဖို့ သောက်ဖို့ အတွက် ဆန်တွေဆီတွေ အခြေခံစားသောက်ကုန်တွေ ထောက်ဖို့အတွက် အခုဆိုရင်တော့ လက်ရှိမှာ လိုအပ်ချက်တွေဖြစ်နေတယ်။”

ဧပြီလ ၂၆ ရက်နေ့ကလည်း ယင်းမာပင်ဒေသမှာရှိတဲ့ ကျေးရွာတချို့ကိုစစ်ကောင်စီ တပ်တွေဝင်ရောက်ပြီး နေအိမ်ထဲက ပစ္စည်းတွေ၊ ကောက်ပဲသီးနှံတွေ၊ အိမ်မွေးတိရိစ္ဆာန်တွေကို အတင်းလုယူဆောင်သွားတယ်လို့ မျက်မြင်သက်သေတွေက ဒေသတွင်း သတင်းဌာနတွေကို ပြောကြားခဲ့ပါတယ်။

စစ်ကောင်စီရဲ့ တပ်ရင်းတခုဟာ ဧပြီလ ၂၅ ရက်နေ့က ယင်းမာပင်ဘက်သွားရောက်တပ်စွဲပြီးနောက် အခုလို ရွာတွေထဲ ဝင်ရောက်စီးနင်း ဖမ်းဆီး လုယက်မှုတွေ လုပ်ခဲ့တာကြောင့် ရွာသူရွာသားတွေ စိုးရိမ်ကြောက်လန့်ပြီး အိုးအိမ်စွန့်ခွာ ထွက်ပြေးနေကြတာဖြစ်တယ်လို့ လူသားချင်းစာနာမှုစေတနာ့ဝန်ထမ်းအဖွဲ့တွေက ဗွီအိုအေကိုပြောပါတယ်။


ဗွီအိုအေ (မြန်မာပိုင်း)

https://burmese.voanews.com/a/myanmar-villagers-flee-/5870426.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ