ကလေးမြို့တွင် အရေးပေါ် လူနာအတွက် အောက်ဆီဂျင်ဗူးယူပြီးပြန်လာသည့်လူငယ် ပစ်ခတ်ခံရ



Share/Bookmark
စစ်ကိုင်းတိုင်း ကလေးမြို့ စမ်းမြို့ရပ်ကွက်ရှိ ကမ္ဘောဇ ဘဏ် (၂) ရှေ့တွင် ဧပြီလ ၁၃ ရက်နေ့ည ၈း၃၀ အချိန်တွင် အာဏာသိမ်းစစ်ကောင်စီတပ်ဖွဲ့များက သေနတ်ဖြင့် ပစ်ခတ်မှုကြောင့် မကျန်းမာသည့်သူငယ်ချင်း မိခင်အတွက်အောက်ဆီဂျင်ဗူးသွားယူပြီးအိမ်ပြန်လာသည့်ဒေသခံလူငယ် ၁ ဦး ဝမ်းဗိုက်ကျည်ထိမှန်ခဲ့ကြောင်း သိရသည်။

အဆိုပါ သေနတ်ထိမှန်ခဲ့သည့်သူမှာ အရေးပေါ်လူနာသူငယ်ချင်း မိခင်ဖြစ်သူအတွက် အောက်ဆီဂျင်ဗူးပို့ဆောင်ရန်အပြန်လမ်းတွင်  အာဏာသိမ်းစစ်ကောင်စီ၏ တပ်ဖွဲ့များက သေနတ်ဖြင့် ပစ်ခတ် သောကြောင့် ဝမ်းဗိုက်တွင် ထိမှန်ပြီး စစ်ဆေးရုံတွင် ဆေးကုသမှုခံယူနေသည်ဟု သိရသည်။ 

သေနတ်အပစ်ခံရသူမှာ တောင်ဇလပ်ရပ်ကွက်၊ နယ်မြေ (၂) တွင်နေထိုင်သည့်သူဖြစ်ပြီး သေနတ်ပစ်ခံရခြင်းကြောင့် ဝမ်းဗိုက် ညာဖက်ခြမ်း အစာအိိမ်နားကို ထိထားပြီး စကားပြော ဆိုနိုင်ပေမယ့် ရေသောက်ရန် နှင့် အစာစားရန်အတွက် အခက်အခဲဖြစ်ပြီး စိုးရိမ်ရသည့်အခြေအနေတော့မရှိကြောင်း သိရသည်။

မနေ့ည ၈နာရီခွဲနောက်ပိုင်း အချိန်တွင်  တောင်ဇလပ်ရပ်ကွက်၊ နယ်မြေ (၂) အနီးနား ပတ်ဝန်းကျင်တွင် စစ်ကောင်စီတပ်ဖွဲ့ဝင်များ၏ သေနတ်သံများ ကြားရကြောင်း ဒေသခံများထံမှ သိရသည်။


Chin World

https://www.facebook.com/Chin-World-167011980026853



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ