 |
| အင်ဒိုနီးရှားနိုင်ငံ ဂျာကာတာမြို့တော်က ဆန္ဒပြသူတဦး ကိုင်ဆောင်ထားတဲ့ poster တခု။ (ဧပြီ ၂၄၊ ၂၀၂၁) |
မြန်မာနိုင်ငံမှာ ဆန္ဒပြပွဲတွေအပေါ် အကြမ်းဖက်နှိမ်နင်းနေတာတွေကို တုံ့ပြန်တဲ့အနေနဲ့ စစ်အုပ်ချုပ်ရေး ကောင်စီပိုင် ရေနံနဲ့ သဘောဝဓါတ်ငွေ့ တူးဖေါ်ရေး စွမ်းအင် ကုမ္ပဏီတွေရဲ့ ဝင်ငွေကို ပိတ်ဆို့တာတွေ အပါအဝင် အရေးယူမှုတွေ ထပ်ပြီး ပြဌာန်းဖို့ ပါတီကြီးနှစ်ရပ်စလုံးက အထက်လွှတ်တော် အမတ် တစုက အမေရိကန် အစိုးရကို တိုက်တွန်းလိုက်ပါတယ်။
ဒီမိုကရက် အထက်လွှတ်တော်အမတ် Jeff Merkley ရီပတ်ဘလစ်ကန် အထက်လွှတ်တော်အမတ် Marco Rubio နဲ့ တခြား လွှတ်တော်အမတ် ၄ ဦးက နိုင်ငံခြားရေး ဝန်ကြီး Antony Blinken နဲ့ ဘဏ္ဍာရေး ဝန်ကြီး Janet Yellen တို့ဆီ စာပို့ပြီး စစ်အုပ်ချုပ်ရေးကောင်စီကို အရေးယူဖို့ တိုက်တွန်းခဲ့တာပါ။
မြန်မာစစ်တပ်က လူသားထုအပေါ် ကျုးလွန်တဲ့ ရာဇဝတ်မှုတွေ တိုးပြီး ကျုးလွန်နေချိန်မှာ မြန်မာပြည်သူတွေရဲ့ မပြီးပြတ်သေးတဲ့ ဒီမိုကရေစီလှုပ်ရှားမှုကို ထောက်ခံရေး နည်းလမ်း အသစ်တွေ ရှာဖွေဖို့ အမေရိကန် အစိုးရကို အထက်လွှတ်တော် အမတ်တွေက တိုက်တွန်းထားပါတယ်။ မြန်မာ့ ရေနံနဲ့ သဘောဝ ဓါတ်ငွေ့ လုပ်ငန်းအတွက် အမေရိကန် ပြည်ထောင်စု Chevron စွမ်းအင်ကုမ္ပဏီ၊ ဒါမှမဟုတ် MOGE တို့ကနေ ငွေကြေးတွေ ထည့်ဝင် နေတာမျိုး အပါအဝင်၊ ပစ်မှတ်ထား အရေးယူခံထားရတဲ့ စစ်တပ်ခေါင်းဆောင်တွေ အတွက် အမြတ် အစွန်းရစေမယ့် ငွေကြေးပံ့ပိုးမှုမျိုးတွေ ရပ်ဆိုင်းဖို့ အထက်လွှတ်တော်အမတ်တွေက တောင်းဆိုပါတယ်။
Chevron ကုမ္ပဏီက ၂၈ ဒသမ ၃ ရာခိုင်နှုန်း ငွေကြေးထည့်ဝင်ထားတဲ့ ရတနာ ဓါတ်ငွေ့တူးဖေါ်ရေးမှာ MOGE ကုမ္ပဏီက ဖက်စပ် လုပ်ကိုင်နေပါတယ်။ အရပ်သား အစိုးရခေါင်းဆောင်တွေကို ဖယ်ရှားပြီး စစ်တပ်က အာဏာသိမ်းလိုက်ကတည်းက Chevron နဲ့ ပြင်သစ် Total ကုမ္ပဏီတို့ကို မြန်မာနိုင်ငံမှာ စီးပွားရေး မလုပ်ဖို့ လူ့အခွင့်အရေးအဖွဲ့တွေက တောင်းဆိုနေပါတယ်။ ရေနံနဲ့ သဘာဝ ဓါတ်ငွေ့ တူးဖေါ်ရေးလုပ်ငန်းကနေ စစ်တပ်ခေါင်းဆောင်တွေအတွက် နှစ်စဉ် ဒေါ်လာ သန်း ၁,၁၀၀ ရနေတယ်လို့လည်း အထက် လွှတ်တော်အမတ်တွေရဲ့ ကြေညာချက်မှာ ဖော်ပြထားပါတယ်။
ဗွီအိုအေ (မြန်မာပိုင်း)
Reviewed by THITHTOOLWIN
on
21:44
Rating:
No comments:
Post a Comment