ရန်ကုန်မြို့၊ မရမ်းကုန်းမြို့နယ်မှာရှိတဲ့ သမိုင်းမုဒိတာအိမ်ရာမှာ စစ်ကောင်စီတပ်တွေက မနေ့ည ဧပြီလ ၁၂ ရက်မှာ ဧည့်စာရင်းဝင်စစ်ချိန် ဖမ်းဆီးခံရသူအယောက် ၃၀ နီးပါးရှိတယ်လို့ အိမ်ရာမှာ နေထိုင်သူတစ်ဦးက ဘီဘီစီ ကို ပြောပါတယ်။
''ဧည့်စာရင်းတိုင်ထားတဲ့အခန်းတွေကို ဝင်စစ်တာ၊ တံခါးတွေဘာတွေ ဖျက်ဝင်တာမျိုးလည်းရှိတယ်'' လို့ မနေ့ည ၁၁ နာရီကျော်ကျော်က အခြေအနေကို အိမ်ရာမှာနေသူတစ်ဦးက ပြောပြပါတယ်။
ဧည့်စာရင်းစစ်ချိန်ဖမ်းထားတဲ့သူတွေကို စစ်ကောင်စီတပ်တွေတပ်စွဲထားပြီး အမှတ် ၂ ရက်ကွက်အုပ်ချုပ်ရေးမှူးရုံးလည်းရှိတဲ့ ပေါ်တော်မူဘုရားဝန်းထဲ ခေါ်သွားပြီး အခုတော့ တချို့ပြန်လွတ်လာတယ်လို့ သိရပါတယ်။
အဲဒီဘုရားဝန်းဟာ ပြီးခဲ့တဲ့နိုဝင်ဘာလရွေးကောက်ပွဲမှာ မဲရုံပြုလုပ်ခဲ့တဲ့ဝန်းလည်းဖြစ်ပါတယ်။
လက်ရှိမှာ စစ်ကောင်စီတပ်တွေဟာ ပေါ်တော်မူ၊ အမှတ် ၁ အထက်တန်းကျောင်းနဲ့ အမှတ် ၄ အလယ်တန်းကျောင်းတွေမှာ တပ်စွဲထားတယ်လို့ နယ်ခံတွေက ပြောပါတယ်။
အခုလအစောပိုင်းတုန်းကတော့ ရပ်ကွက်အုပ်ချုပ်ရေးအဖွဲ့ဝင်တွေနဲ့ရဲတွေက ဧည့်စာရင်းတိုင်ဖို့လိုက်လံဖိအားပေးနေပြီး ဧည့်စာရင်းမတိုင်ရင် ဒဏ်ငွေ ၃ သိန်းဆောင်ရမယ်လို့ လှိုင်မြို့နယ် ၁၃ ရပ်ကွက်မှာလိုက်လံကြေညာတာမျိုးရှိခဲ့ပါတယ်။
BBC Burmese
Reviewed by THITHTOOLWIN
on
20:57
Rating:
No comments:
Post a Comment