အိန္ဒိယနိုင်ငံခုံလှုံတဲ့ CDM ရဲတပ်ဖွဲ့ဝင်တွေပြန်အပ်ဖို့ မြန်မာစစ်အုပ်ချုပ်ရေးကောင်စီတောင်းဆို



Share/Bookmark
ရန်ကုန်စစ်အာဏာသိမ်းကန့်ကွက်ဆန္ဒပြပွဲ

အိန္ဒိယနိုင်ငံဘက် ထွက်ပြေးခိုလှုံသွားတဲ့ မြန်မာရဲတပ်ဖွဲ့ဝင်တွေကို ပြန်လွှဲပြောင်းပေးဖို့ မြန်မာ စစ်ဘက်အုပ်ချုပ်ရေးကောင်စီက အိန္ဒိယကို တောင်းဆိုထားတယ်လို့ အိန္ဒိယနိုင်ငံ အရှေ့မြောက်ပိုင်းက တာဝန်ရှိသူတစ်ဦးကို ဒီကနေ့ပြောတဲ့အကြောင်း ရိုက်တာသတင်းတစ်ပုဒ်မှာ ရေးထားပါတယ်။

ဆန္ဒပြသူတွေကို အကြမ်းဖက်ဖြိုခွဲခိုင်းတာ မလုပ်ချင်တဲ့အတွက် မြန်မာရဲတပ်ဖွဲ့ဝင်တွေနဲ့ မိသားစု အယောက် ၃၀ ဝန်းကျင် ပြီးခဲ့တဲ့ရက်တွေက အိန္ဒိယဘက် ထွက်ပြေးခိုလှုံခဲ့တာပါ။

"ချစ်ကြည်ရင်းနှီးတဲ့ ဆက်ဆံရေးကို ထိန်းသိမ်းဖို့အတွက်" မြန်မာရဲတပ်ဖွဲ့ဝင် ၈ ဦးကို ပြန်ပြီးလွှဲ ပြောင်း ပေးဖို့ တောင်းထားတဲ့ ချင်းပြည်နယ်၊ ဖလမ်းခရိုင်တာဝန်ရှိသူရဲ့ စာတစ်စောင်ကို လက်ခံရရှိထား တယ် လို့ အိန္ဒိယနိုင်ငံ၊ မီဇိုရမ်ပြည်နယ်၊ Champhai ခရိုင် ဒုတိယကော်မရှင်နာမင်းကြီး Maria C. T. Zuali က ရိုက်တာသတင်းဌာနကို ဒီကနေ့ပြောပါတယ်။

အိန္ဒိယအစိုးရ၊ ပြည်ထဲရေးဝန်ကြီးဌာနရဲ့"ညွှန်ကြားချက်ကို စောင့်နေတယ်" လို့လည်း ဒုတိယကော်မရှင်နာမင်းကြီးက ပြောပါတယ်။

မြန်မာရဲတပ်ဖွဲ့ဝင်တွေ အကြမ်းမဖက် အာဏာဖီဆန်ရေးလှုပ်ရှားမှု (CDM) မှာ ပူးပေါင်းပါဝင်ကြတာတွေ ရှိထားပေမယ့်လည်း အခုလို ထွက်ပြေးခိုလှုံတာကတော့ ပထမဆုံးဖြစ်ရပ်တွေပါ။

ဖလမ်းခရိုင်တာဝန်ရှိသူက ပေးပို့တဲ့စာ မိတ္တူကို ရိုက်တာသတင်းဌာနက ကြည့်ခွင့်ရခဲ့ပြီး စာထဲမှာ အိန္ဒိယဘက်ရောက်နေတဲ့ ရဲတပ်ဖွဲ့ဝင် ၈ ဦးရဲ့ အချက်အလက်တွေ ရှိထားပြီလို့ ရေးထားပါတယ်။ အမျိုးသမီး ရဲတပ်ဖွဲ့ဝင်တစ်ဦးအပါအဝင် အသက် ၂၂ နှစ်ကနေ ၂၅ နှစ်အရွယ် ရဲတပ်ဖွဲ့ဝင်လေးဦးရဲ့ အသေးစိတ် အချက်အလက်တွေကိုလည်း စာထဲမှာဖော်ပြထားပါတယ်။

"နှစ်နိုင်ငံကြား ချစ်ကြည်ရင်းနှီးတဲ့ဆက်ဆံရေးကို ထိန်းသိမ်းတဲ့အနေနဲ့ အိန္ဒိယနယ်မြေထဲမှာရောက်နေတဲ့ မြန်မာရဲတပ်ဖွဲ့ဝင် ၈ ဦးကို ထိန်းသိမ်းပြီး မြန်မာနိုင်ငံဘက် ပြန်လည်လွှဲပြောင်းပေးဖို့ ပန်ကြားပါတယ်" လို့ စာထဲမှာရေးထားပါတယ်။

ဒါနဲ့ပတ်သက်ပြီး အိန္ဒိယ ပြည်ထဲရေးဌာနနဲ့ နိုင်ငံခြားရေးဌာနတို့ကို ရိုက်တာသတင်းဌာနက ဆက်သွယ်မေးမြန်းခဲ့ပေမယ့် တုံ့ပြန်ပြောဆိုချက် မရခဲ့ပါဘူး။


ဗွီအိုအေ (မြန်မာဌာန)

https://burmese.voanews.com/a/myanmar-coup-india-cdm-/5804157.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ