နမ္မတူမြို့နယ် ပန်သပြေကျေးရွာ စစ်ရှောင် (၄၀၀)ကျော်အတွက် စားနိပ်ရိက္ခာ အရေးပေါ်လိုအပ်နေ



Share/Bookmark

သျှမ်းသံတော်ဆင့်၊ မတ်၂၉ ရက်

သျှမ်းပြည် မြောက်ပိုင်း နမ္မတူမြို့နယ် ပန်သပြေကျေးရွာတွင် စစ်ဘေးရှောင် (၄၀၀)ကျော်ရောက်ရှိနေပြီး၊ စစ်ရှောင်အတွက် စားနိပ်ရိက္ခာ အရေးပေါ် လိုအပ်နေကြောင်း စုံစမ်းသိရသည်။

နမ္မတူမြို့နယ် ပန်လုံကျေးရွာအနီးတွင် မတ် (၂၈)ရက် ညနေ (၃)နာရီမှ စတင်ကာ မြောက်ပိုင်းမဟာမိတ် တပ်ဖွဲ့ ဖြစ်သည့် SSPP/SSA ၊ TNLA နှင့် RCSS/SSAတို့ တိုက်ပွဲဖြစ်ပွားပြီးကျေးရွာအတွင်းလက်နက်ကြီး ကျသဖြင့် ဒေသခံပြည်သူများ ထွက်ပြေးတိမ်းရှောင်လာကြခြင်းဖြစ်သည်။

 “ ပန်သပြေ မှာ က စစ်ရှောင် (၄၀၂)ယောက်ရှိတယ်။အခက်အခဲကတော့ စားဝတ်နေရေး အတွက် အရေးပေါ် လိုအပ်နေ တယ်” ဟု သီပေါမြို့ မှ စစ်ဘေးရှောင်ကူညီပေးနေသည့် အမျိုးသမီး တဦး က ပြောသ်။

ပန်သပြေကျေးရွာ တွင် ရောက်ရှိနေသည့် စစ်ရှောင်အများစုသည် အသက်အရွယ်ကြီးသည့်သူများ၊ အမျိုးသမီးများနှင့် ကလေးငယ်များဖြစ်ကြောင်း သိရသည်။

“ အခုက စစ်ရေးတင်းမာနေသေးတယ်။ နမ္မတူမြို့နယ် အပိုင်ဖြစ်ပေမယ့် နမ္မတူကနေ ပန်သပြေကျေးရွာကိုလာလို့မရဘူး။ သီပေါမြို့ ကနေတော့ သွားလို့ရတယ်။ ဒါလည်း အခက်အခဲ တခုပဲ” ဟု ၎င်း အမျိုးသမီး က ဆိုသည်။

ထို့ကြောင့် နမ္မတူမြို့ မှ စစ်ဘေးရှောင် ကော်မတီများအနေဖြင့် ပန်သပြေကျေးရွာ တွင် တိမ်းရှောင်နေသည့် စစ်ရှောင်(၄၀၀)ကျော်အတွက် ပစ္စည်းသွားရောက်ပို့ရန် ခက်ခဲနေကြောင်းလည်း နမ္မတူ စစ်ဘေးရှောင် ကော်မတီ မှ လုံးဘဉာဏ်က ပြောသည်။

“ လမ်းတွေပိတ်ထားတယ်။ သွားလို့မရတော့ စစ်ရှောင်တွေ ကို စားနိပ်ရိက္ခာ သွားပို့လို့မရဘူး” ဟု လုံးဘဉာဏ်က ဆိုသည်။ 

တိုင်းရင်းသား လက်နက်ကိုင် အချင်းချင်းတိုက်ပွဲဖြစ်ပွားမှုကြောင့် မတ် (၂၈)ရက် တွင် နမ္မတူမြို့နယ် ပန်လုံကျေးရွာ အနီးရှိ လက်နက်ကြီး ကျသဖြင့် နေအိမ် (၅)လုံး မီးလောင်ပျက်စီးခဲ့ကြောင်း သိရသည်။


SHAN News (Burmese Version)

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ