မြန်မာစစ်တပ် ရက်စက်အကြမ်းဖက်မှုကို တညီတညွတ်တည်း ရှုတ်ချဖို့ အမေရိကန်ဆော်သြ

ဆန္ဒပြသူများကို မန္တလေးတွင် အကြမ်းဖက် ဖြိုခွဲစဉ်

မြန်မာနိုင်ငံမှာ စစ်တပ်က အာဏာသိမ်းတာကို ကန့်ကွက်ဆန္ဒပြသူတွေကို အကြမ်းဖက်နှိမ်နင်းတဲ့ လုပ်ရပ်အတွက် ထိတ်လန့်တုန်လှုပ်မိကြောင်း အမေရိကန်က ပြောလိုက်ပါတယ်။

“အရပ်ဖက်အုပ်ချုပ်ရေး ပြန်လည်ရရှိဖို့ ငြိမ်းချမ်းစွာ ကြိုးပမ်းတောင်းဆိုနေတဲ့ မြန်မာပြည်သူတွေအပေါ် ရက်ရက်စက်စက် ပြုမူနေတဲ့ လုပ်ရပ်တွေကို တွေ့မြင်ရတဲ့အတွက် စိတ်ပျက် တုန်လှုပ်မိကြောင်း” အမေရိကန်နိုင်ငံခြားရေး ဝန်ကြီးဌာန ပြောခွင့်ရ Ned Price က ဗုဒ္ဓဟူးနေ့ သတင်းစာရှင်းလင်းပွဲမှာ ပြောဆိုလိုက်တာပါ။

အရပ်သားအစိုးရကို စစ်တပ်က ဖယ်ရှားပြီး အာဏာသိမ်းလိုက်တဲ့ လုပ်ရပ်ကို ဆန့်ကျင်တဲ့ လှုပ်ရှားမှုတွေ တလလောက် ရှိလာချိန်မှာပဲ အာဏာပိုင်တွေဖက်က ဇြိုခွင်းမှုတွေကို အရှိန်မြှင့်လာရာက ဗုဒ္ဓဟူးနေ့မှာ သေဆုံးသူ ၃၈ ယောက်ထက်မနည်း ရှိခဲ့ကြောင်းလည်း ကုလသမဂ္ဂက ပြောဆိုထားပါတယ်။ နိုင်ငံတကာက သတိပေးနေတဲ့ ကြားမှာပဲ ငြိမ်းချမ်းစွာ ဆန္ဒပြသူတွေကို နှိမ်နင်းမှုတွေ ဆက်လုပ်နေတာကြောင့် တညီတညွတ်တည်း ဝိုင်းဝန်း ကြိုးပမ်းကြဖို့လည်း အမေရိကန်က တိုက်တွန်းနေပါတယ်။

“ကိုယ့်ပြည်သူတွေအပေါ် စစ်တပ်က ရက်ရက်စက်စက် အကြမ်းဖက်နေတဲ့ လုပ်ရပ်ကို ပြစ်တင်ရှုတ်ချဖို့ အသက်ပေါင်းများစွာ ဆုံးရှုံးခဲ့ရတဲ့အထိ ကျုးလွန်ခဲ့တဲ့ မြန်မာစစ်တပ်ရဲ့ လုပ်ရပ်အတွက် တာဝန်ခံမှုရှိစေဖို့ နိုင်ငံတွေအားလုံးက တသံတည်း ထွက်ကြဖို့ လိုအပ်ကြောင်း” အမေရိကန် နိုင်ငံခြားရေးဌာန ပြောခွင့်ရက ပြောဆိုလိုက်တာပါ။

မြန်မာ့အရေး ဖြေရှင်းရာမှာ တရုတ်နိုင်ငံက အပြုသဘောဆောင်တဲ့ အခန်းကဏ္ဍက ပါဝင်ဖို့ အမေရိကန်က တိုက်တွန်းထားကြောင်းလည်း ပြောပါတယ်။


ဗွီအိုအေ (မြန်မာပိုင်း)

https://burmese.voanews.com/a/myanmar-forces-open-fire-un-condemn-/5800612.html

မြန်မာစစ်တပ် ရက်စက်အကြမ်းဖက်မှုကို တညီတညွတ်တည်း ရှုတ်ချဖို့ အမေရိကန်ဆော်သြ မြန်မာစစ်တပ် ရက်စက်အကြမ်းဖက်မှုကို တညီတညွတ်တည်း ရှုတ်ချဖို့ အမေရိကန်ဆော်သြ Reviewed by THITHTOOLWIN on 08:27 Rating: 5

No comments:

Powered by Blogger.