တောင်ကြီး ပုဂ္ဂလိကဘဏ် အချို့ အချိန်ပိုင်းဖြင့် ပြန်ဖွင့်



Share/Bookmark

သျှမ်းသံတော်ဆင့်၊ မတ် ၁၆ရက်

တောင်ကြီးမြို့ ရှိ ပုဂ္ဂလိကဘဏ် အချို့ယနေ့ (မတ် ၁၆)ရက် မနက်ပိုင်းတွင် ပြန်လည်ဖွင့်လှစ်ကြောင်း သတင်းရရှိသည်။

ပုဂ္ဂလိက ဘဏ်များပြန်လည် ဖွင့်လှစ်ရန် စစ်ကောင်စီ က ဖိအားပေးခဲ့ခြင်း၊ ပုဂ္ဂလိက ဘဏ်များပြန်လည်မဖွင့်လှစ် ပါက ငွေစာရင်းများကို မြန်မာ့စီးပွားရေးဘဏ် ၊ အင်းဝဘဏ်နှင့် မြဝတီဘဏ်များသို့ ငွေလွှဲပြောင်းပေးနိုင်ရန် နှင့် ပုဂ္ဂလိက ဘဏ်များ မဖြစ်မနေ အမြန်ပြန်လည်ဖွင့်လှစ်နိုင်ရန် စစ်ကောင်စီ က မတ် (၉ )ရက်စွဲဖြင့် ဘဏ်များကို စာပေးပို့ခဲ့သည်။

ထို့ကြောင့် ယနေ့ တောင်ကြီး ကမ္ဘောဇဘဏ်သည် ယနေ့ (မတ် ၁၆)ရက်မှစတင်ကာ မနက် ၉ နာရီမှ မွန်းတည့်ချိန် ၁၂နာရီထိ ဘဏ်ကိုဖွင့်လှစ်သွားမည်ဖြစ်ကြောင်း လည်း သိရသည်။

“ မနက်ပိုင်းပဲဖွင့်တယ်။ တယောက်ကို ဒီနေ့ ၅သိန်းကျပ်တော့ ထုတ်ပေးတယ်။ ငွေလာထုတ်တဲ့သူတွေရှိတယ်။ ဘဏ်ဝန်ထမ်း ကနည်းတယ်” ဟု ကမ္ဘောဇဘဏ် တွင် ငွေသွားထုတ်လာသည့် အမျိုးသမီး တဦးက ပြောသည်။

မတ် (၁၇)ရက်မှ စကာ တောင်ကြီးခရိုင် အတွင်းရှိ ဟဲဟိုး၊ အေးသာယာ၊ ရွှေညောင်၊ ညောင်ရွှေ၊ ဟိုပုံး၊ ကလော၊ အောင်ပန်း ရှိ ကမ္ဘောဇ ဘဏ်ခွဲများ ဆက်လက်ဖွင့်သွားမည် ဟုလည်း သတင်းရရှိသည်။

“ ဘဏ်မဖွင့်ရင် ဘဏ်စာရင်းတွေ အားလုံး မြဝတီ၊ အင်းဝ၊ မြန်မာ့စီးပွားရေးဘဏ်တွေကို လွှဲပေးရမယ်၊ ဘဏ်လိုင်စင်ကိုသိမ်းမယ်ဆိုတဲ့ ဖိအားကြောင့် ဖွင့်ရတာပါ။ စစ်ကောင်စီကလည်း နည်းမျိုးစုံခြိမ်းခြောက်နေပါတယ်။ CDM လုပ်တဲ့ဝန်ထမ်းတွေလည်းရှိပါတယ်။ မနက်ပိုင်းပဲဖွင့်မှာပါ” ဟု ကမ္ဘောဇဘဏ် ဝန်ထမ်းတဦးက ပြောသည်။

မြန်မာနိုင်ငံ ဗဟိုဘဏ်တွင်တာဝန်ထမ်းဆောင်နေသည့် အရာရှိ ၊ဝန်ထမ်း ၂၁၂ ဦးသည် အာဏာဖီဆန်ရေး လှုပ်ရှားမှု (CDM )ပြုလုပ်သဖြင့် စစ်အာဏာသိမ်းကောင်စီ က တာဝန်မှ ယာယီရပ်ဆိုင်းလိုက်ကြောင်း မတ် (၁၂)ရက်တွင် ကြေညာချက်ထုတ်ခဲ့သည်။


SHAN News (Burmese Version)

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ