စစ်တပ်က ဘားတိုက်ကိုပြန်သင့်ပြီဟု ဖိလစ်ပိုင်ဝန်ကြီး အကြံပေး



Share/Bookmark



(၂၃-၃-၂၀၂၁)

မြန်မာနိုင်ငံမှာ လက်ရှိဖြစ်ပေါ်နေတဲ့ ပြသာနာတွေ ပြေလည်စေဖို့ဆိုရင် အာဏာသိမ်းထားတဲ့စစ်တပ်က အာဏာကိုစွန့်ပြီး မူလနေရာကို ပြန်သွားမှဖြစ်လိမ့်မယ်လို့ သူတွက်ဆကြောင်း ဖိလစ်ပိုင် နိုင်ငံခြားရေးဝန်ကြီး Teddy Locsin က အကြံပြုလိုက်ပါတယ်။

-စစ်တပ်ဟာ လုံခြုံရေးကိုအကြောင်းပြပြီး ပစ်ခတ်မှုတွေလုပ်နေပါတယ်။ ဒေါ်အောင်ဆန်းစုကြည်နဲ့ NLD ပါတီဟာ အောင်ပွဲရထားသူတွေဖြစ်ပါတယ်- လို့လည်း ဖိလစ်ပိုင်ဝန်ကြီးကပြောပါတယ်။

ဖိလစ်ပိုင်ဝန်ကြီးဟာ ဒီနေ့အစောပိုင်းက ဗြိတိန် နိုင်ငံခြားရေး၊ ဓနသဟာရနှင့် ဖွံဖြိုးရေးရုံး FCDO ဝန်ကြီး Nigel Adams နဲ့ နှစ်နိုင်ငံအရေး၊ မြန်မာ့အရေးအပါဝင် နိုင်ငံတကာအရေးတွေ ဆွေးနွေးခဲ့တယ်လို့သိရပါတယ်။

ဗြိတိန်ဝန်ကြီး Nigel Adams က -၇ နှစ်အရွယ် ကလေးငယ်ပါမချန် မြန်မာလုံခြုံရေးတပ်တွေက ပစ်သတ်နေတဲ့အပေါ် အထူးတုန်လှုပ်မိပါတယ်၊ -သူရဲဘောကြောင်ပြီး စက်ဆုတ်ရွံရှာဖွယ်ကောင်းတဲ့ ဒီလုပ်ရပ်အတွက် ကျုးလွန်သူတွေ တာဝန်ခံရမှာဖြစ်တယ်-လို့ တွစ်တာကနေ ရေးပြီးတဲ့နောက် ဖိလစ်ပိုင်ဝန်ကြီးဖက်က အခုလို အကြံပေးမှု ထွက်ပေါ်လာတာဖြစ်ပါတယ်။

ဒါဟာ အာဆီယံနိုင်ငံ ဝန်ကြီးတဦးရဲ့ ထူးခြားတဲ့ ဝေဖန်အကြံပြုချက်လည်းဖြစ်ပါတယ်။


Burma News Network

https://www.facebook.com/burmanewsnetwork



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ