မြန်မာစစ်တပ်ကို ဆန်ရိက္ခာထောက်ပံ့ခြင်းမရှိလို့ ထိုင်းဗိုလ်ချုပ်ငြင်းဆို



Share/Bookmark
မြန်မာနဲ့နယ်စပ်ထိုင်းနိုင်ငံ၊ မဲဆောက်မြို့ဘက်မှာ ထိုင်းလုံခြုံရေးတပ်ဖွဲ့ကင်းလှည့်နေစဉ်။ (မတ်၊ ၁၈၊၂၁။)

မြန်မာစစ်တပ်ကို ထိုင်းက ဆန်ရိက္ခာထောက်ပံ့နေတယ်ဆိုတာ မဟုတ်ဘူးလို့ ထိုင်းစစ်တပ်က ငြင်းဆန်လိုက်ပါတယ်။ ထိုင်းမြန်မာနယ်စပ်က မြန်မာတပ်ဖွဲ့တွေအတွက် ထိုင်းစစ်တပ်က ဆန်အိတ် ၇၀၀ ကို ထိုင်းအစိုးရအမိန့်အရ ပေးခဲ့တယ်လို့ အမည်မဖော်တဲ့ လုံခြုံရေးအရာရှိတယောက်အပြောကို ကိုးကားပြီး ထိုင်းသတင်းမီဒီယာတွေမှာ ထုတ်ပြန်ခဲ့တာကြပါတယ်။

ဒါနဲ့ပတ်သက်လို့ ထိုင်း Naresuan (နရဲစွမ်) တပ်ရဲ့ တပ်မှူးကြီး ဗိုလ်ချုပ် Amnat Srimak က ထိုင်းစစ်တပ်အနေနဲ့ မြန်မာစစ်တပ်ကို ထောက်ပံ့နေတာ မဟုတ်ဘူးလို့ တုံ့ပြန်ခဲ့တာပါ။ မြန်မာစစ်တပ်ဖက်က အကူအညီတောင်း ဆက်သွယ်လာတာမျိုး မရှိသလို ထိုင်းစစ်တပ်ရဲ့ အထောက်အပံ့ပေးဖို့ တောင်းဆိုတာလည်း မရှိဘူးလို့ သူကပြောပါတယ်။ နယ်စပ်မှာ ပုံမှန် ကုန်ရောင်းကုန်ဝယ်လုပ်တယ်လို့ သူထင်ကြောင်းနဲ့ အကောက်ခွန်စည်းကမ်းတွေနဲ့အညီ အရောင်းအဝယ်လုပ်တယ်ဆိုရင် ဥပဒေချိုးဖောက်တာ မဟုတ်တဲ့အတွက် တားစရာအကြောင်းမရှိဘူးလို့ ထိုင်းဗိုလ်ချုပ် Amnat Srimak က ကြေညာချက်ထုတ်ပြန် တုံ့ပြန်ကြောင်း Reuters သတင်းမှာရေးထားပါတယ်။ ထိုင်းအစိုးရဘက်ကတော့ တစုံတရာ တုံ့ပြန်ခြင်း မရှိသေးဘူးလို့လည်း သတင်းထဲမှာ ဖော်ပြထားပါတယ်။

COVID ကပ်ရောဂါကြောင့် ထိုင်းနဲ့ မြန်မာနယ်စပ်ဖြတ်ကျော်မှုတွေကို အကြီးအကျယ်ကန့်သတ်ထားချိန် နယ်စပ်မှာ ဆန်အိတ်လို့ယူဆရတဲ့ အိတ်တွေကို ကုန်တင်ကားတွေပေါ် တင်နေတဲ့ပုံတွေ ထိုင်းသတင်းမီဒီယာတွေက ထုတ်ပြန်ခဲ့ကြတာပါ။ Reuters သတင်းဌာနက ရရှိတဲ့ ပုံတွေမှာတော့ ပျောက်ကြား ယူနီဖောင်းဝတ်ထားသူတချို့ထိုင်းဘက်အခြမ်းကို ကူးလာတဲ့ပုံတွေ သူတို့ရဲ့ ကိုယ်အပူချိန်ကို ထိုင်းဘက်က တိုင်းနေတဲ့ ပုံတွေ မြင်ရပါတယ်။

ကရင်လက်နက်ကိုင် KNU ထိန်းချုပ်နယ်မြေနားမှာ တပ်စွဲထားတဲ့ မြန်မာစစ်တပ်တွေအတွက် ရိက္ခာမပို့နိုင်အောင် KNU တပ်တွေက ဖြတ်ထားတယ်လို့ ထိုင်းသတင်းမီဒီယာတွေက ထုတ်ပြန်ကြပါတယ်။ ဒီကိစ္စကို လောလောဆယ်အထိ KNU ဘက်က ဘာမ မတုံ့ပြန်သေးပါဘူး။ KNU က စစ်တပ် အာဏာသိမ်းမှုကို အပြစ်တင်ပြီး ဒီမိုကရေစီရေးတောင်းဆို ဆန္ဒပြမှုတွေကို ထောက်ခံအားပေးကြောင်း ပြသခဲ့ပါတယ်။


ဗွီအိုအေ (မြန်မာဌာန)

https://burmese.voanews.com/a/military-army-thai-rice-coup-border-voa-burmese/5822735.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ