တောင်ကြီးတွင် နိုင်ငံခြားသား ဓာတ်ပုံသတင်းထောက် တဦး ရိုက်နှက်ဖမ်းဆီးခံရ



Share/Bookmark
နိုင်ငံခြားသား ဓာတ်ပုံသတင်းထောက်

သျှမ်းသံတော်ဆင့်၊ မတ် (၁၁)ရက် 

သျှမ်းပြည်တောင်ပိုင်း တောင်ကြီးမြို့တွင် ယနေ့(မတ် ၁၁)ရက် နေ့လည်ပိုင်းတွင် နိုင်ငံခြားသား ဓာတ်ပုံသတင်းထောက် တဦးကို စစ်ကောင်စီ၏ လက်နက်ကိုင်တပ်ဖွဲ့က ရိုက်နှက်ဖမ်းဆီးသွားကြောင်း သတင်းရရှိသည်။

တောင်ကြီးမြို့ မင်္ဂလာဦးရပ်ကွက် တွင် ယနေ့ နေ့လည် ၁၂နာရီ ကျော် ၌ စစ်အာဏာရှင်ဆန့်ကျင် ဆန္ဒထုတ်ဖော် နေသည့် လူငယ်သပိတ်စစ်ကြောင်းကို ဓာတ်ပုံလိုက်လံရိုက်နေစဉ် စစ်ကောင်စီ၏ လက်နက်ကိုင်တပ်ဖွဲ့က ပိုလန်နိုင်ငံသား ဓာတ်ပုံသတင်းထောက်ကို ရိုက်နှက်ပြီး ဖမ်းဆီးခေါ်ဆောင်သွားကြောင်း မျက်မြင်တွေ့ရှိသူများက သျှမ်းသံတော်ဆင့်ကို သတင်းပေးပို့သည်။

အဆိုပါ နိုင်ငံခြားသားသည် ပိုလန်နိုင်ငံသားဖြစ်ပြီး၊ အလွတ်တန်းသတင်းရေးသားသူတဦးဖြစ်ပြီး ၊ နိုင်ငံတကာ သတင်းဌာနဖြစ်သည့် CNN သတင်းဌာနတွင် ပေးပို့ကြောင်းသိရသည်။

“ သူနာမည် က ရောဘတ်ပါ၊ ဓာတ်ပုံသတင်းထောက်ပါ။ မင်္ဂလာဦးရပ်ကွက်မှာ ဓာတ်ပုံရိုက်နေရင် စစ်တပ်က သူ့ကိုဝိုင်းရိုက်တယ်။ပြီးတော့ ဖမ်းခေါ်သွားတယ်။ လဝကရုံးရောက်သွားတယ်။ ပြန်တော့မလွှတ်သေးဘူးထင်တယ်” ဟု မျက်မြင်တွေ့ရှိသည့် အမျိုးသား တဦးက သျှမ်းသံတော်ဆင့်ကို ပြောပြသည်။

ထိုနိုင်ငံခြားသား သတင်းထောက်ကို ယနေ့ ညနေ (၆)နာရီထိ အဆက်အသွယ်ရသေးကြောင်း၊ ထိုအဆက်အသွယ် ရချိန်တွင် လဝက ရုံးတွင် ရှိနေကြောင်း သိရသည်။

ယနေ့ (မတ် ၁၁)ရက်တွင် စစ်ကောင်စီ၏ လက်နက်ကိုင် တပ်ဖွဲ့သည် စစ်အာဏာကျဆုံးရေးအတွက် မင်္ဂလာဦးတွင် ဆန္ဒထုတ်ဖော်သည့် လူငယ်သပိတ်ကို မျက်ရည်ယိုဗုံး၊ ရာဘာသေနတ်တို့ဖြင့် ဖြိုခွင်းခဲ့ပြီး လူငယ် ၂ဦး ရာဘာကျည်ထိမှန်ကာ အမျိုးသမီးတဦး အသက်ရှူကြပ်ပြီး မူးလဲသွားကြောင်းသိရသည်။

ထို့ပြင် မင်္ဂလာဦးရပ်ကွက်အတွင်းရှိ နေအိမ်တလုံးကိုလည်း စစ်တပ်မှ ဝင်ရောက်ကာ နေအိမ်အတွင်းရှိပစ္စည်းများကို ဖျက်ဆီးခဲ့ကြောင်းသိရသည်။


SHAN News (Burmese Version)

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ