မိုဘိုင်းအင်တာနက်တွေ ပြန်ဖွင့်ပေးဖို့မရှိသေးကြောင်း စစ်ကောင်စီပြော



Share/Bookmark

မိုဘိုင်းအင်တာနက်ကွန်ရက်ကိုသုံးပြီး အဖျက်အမှောင့်လုပ်ငန်းတွေကိုအွန်လိုင်းကနေချိတ်ဆက် လုပ်နေကြလို့ လတ်တလော ပြန်ဖွင့်ပေးဖို့မရှိသေးဘူးလို့ စစ်ကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်မှူးချုပ်ဇော်မင်းထွန်းက ပြောပါတယ်။

ဒီကနေ့ နေပြည်တော်ပြန်ကြားရေး ဝန်ကြီးဌာနမှာပြုလုပ်တဲ့ စစ်ကောင်စီသတင်းစာရှင်းလင်းပွဲမှာ သတင်းထောက်တွေကိုပြောခဲ့တာပါ။

မြန်မာနိုင်ငံထဲ မိုဘိုင်းကွန်ရက်ကနေ အသုံးပြုရတဲ့အင်တာနက်ဝန်ဆောင်မှုတွေ့ကို ဖြတ်တောက်ထားတာ မတ်လ ၁၅ ရက်ကတည်းက ဖြစ်ပါတယ်။

ဒါ့ပြင် ညစဉ်ညတိုင်း ည ၁ နာရီကနေ မနက် ၉ နာရီအထိ အင်တာနက်အလုံးစုံဖြတ်တောက်မှုဖြစ်နေတာ ဖေဖော်ဝါရီလ ၁၅ ရက်ကတည်းက ဖြစ်ပါတယ်။

ပို့ဆောင်ရေးနဲ့ ဆက်သွယ်ရေးဝန်ကြီးဌာနက အော်ပရေတာတွေနဲ့ အင်တာနက်ဝန်ဆောင်မှုပေးသူတွေကို ဖေဖော်ဝါရီလ ၂၈ ရက်အထိ အင်တာနက်လိုင်းဖြတ်တောက်ဖို့ ညွှန်ကြားစာထွက်ခဲ့ပါတယ်။

ဒါပေမဲ့ မတ်လထဲရောက်တဲ့အထိ နေ့စဉ် ၈ နာရီကြာ အင်တာနက်ဖြတ်တောက်မှုတွေ ဆက်ဖြစ်နေခဲ့သလို ဒါနဲ့ပတ်သက်ပြီး အော်ပရေတာတွေ၊ ဝန်ဆောင်မှု ပေးသူတွေဘက်က ဘယ်ကာလအထိ ဖြတ်တောက်မယ်ဆိုတာ သုံးစွဲသူကို အသိပေးကြေညာတာမျိုး မရှိခဲ့ပါဘူး။

ပြီးခဲ့တဲ့ရက်ပိုင်းတွေအတွင်း မနက် ၇ နာရီဝန်းကျင်မှာ အင်တာနက်လိုင်းတချို့ သုံးလို့တဲ့ရက်တွေလည်းရှိခဲ့ပါတယ်။


BBC Burmese

https://www.bbc.com/burmese/live/burma-56331237



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ