စစ်အာဏာရှင်ကန့်ကွက်တဲ့ ကြံခင်းက ရဲနှစ်ဦး ထောင်တစ်နှစ်ကျ



Share/Bookmark
စစ်အာဏာရှင်ကန့်ကွက်တဲ့ ကြံခင်းက ရဲနှစ်ဦး ထောင်တစ်နှစ်ကျ ရဲတပ်သား သူရိန်လင်း နဲ့ ဒုတပ်ကြပ် တာရာလင်း တို့ကို တွေ့ရစဉ်

စစ်အာဏာရှင်ကန့်ကွက်ကြောင်း လူမှုကွန်ရက်မှာ ထုတ်ဖော်ရေးသားတာကြောင့် ဖမ်းဆီးခံထားရတဲ့ ဧရာဝတီတိုင်း၊ ကြံခင်းမြို့က ရဲဝန်ထမ်း ညီအစ်ကို နှစ်ဦးကို မနေ့က ထောင်ဒဏ် တစ်နှစ်စီ ချမှတ်လိုက်တယ် လို့ ဖခင်ဖြစ်သူ ဦးသန့်စင်က RFA ကို ပြောပါတယ်။

အချုပ်ကျခံနေရတဲ့ သား နှစ်ဦးကို ထောင်ကို ပို့ဆောင်တော့မှာဖြစ်တယ်လို့ အသိတစ်ဦးက မတ် ၁၅ ရက်နေ့ မှာ ဆက်သွယ်ပြောဆိုလာတာကြောင့် ကြံခင်းမြို့နယ် ရဲတပ်ဖွဲ့မှူးကို မေးမြန်းခဲ့ရာ ရဲစည်းကမ်း ထိန်းသိမ်းရေး ဥပဒေနဲ့ ထောင် တစ်နှစ်ချလိုက်တာ မှန်ကန်ကြောင်းအတည်ပြုပေမယ့် ဘယ်ထောင်ကို ပို့တယ်ဆိုတာ မသိရသေးဘူးလို့ ဦးသန့်စင်က ပြောပါတယ်။

အဲဒီရဲဝန်ထမ်း နှစ်ဦးကို အရင်က ကြံခင်းမြို့နယ် ရဲစခန်းမှာ ထိန်းသိမ်းစစ်ဆေးခဲ့ပြီး နောက်ပိုင်းမှာ ပုသိမ်ကို ပို့လိုက်တယ်ဆိုတဲ့သတင်းသာ ကြားရပြီး ဘယ်နေရာမှာ စစ်ဆေးပြီး အမိန့်ချလိုက်တယ်ဆိုတာ မသိရဘူးလို့ မိသားစုက ပြောပါတယ်။

သားဖြစ်သူ ရဲတပ်ဖွဲ့ဝင် နှစ်ဦးလုံးက အာဏာရှင်စနစ်ကို တော်လှန်ခဲ့လို့ အခုလိုထောင်ဒဏ်ချမှတ်ခံရတဲ့အပေါ် ဂုဏ်ယူတယ်လို့လည်း ပြောပါတယ်။

သားအကြီးဖြစ်တဲ့ ရဲတပ်သား သူရိန်လင်းက ရဲလုပ်သက် ခုနစ်နှစ်ရှိနေပြီး သားအငယ် ရဲ ဒုတပ်ကြပ် တာရာလင်း က ရဲလုပ်သက် လေးနှစ်ရှိနေဖြစ်ကာ ဒုရဲအုပ်စာမေးပွဲဖြေဖို့အတွက် ဖောင်တင်ထားသူလည်း ဖြစ်ပါတယ်။


RFA Burmese

https://www.rfa.org/burmese/news/two-police-brothers-from-kyangin-were-sentenced-t-one-year-prison-03162021064429.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ