ဖမ်းဆီးခံထားရတဲ့ကိုဝေယံဖြိုးမိုး အသက်အန္တရာယ်ကို စိုးရိမ်တယ်လို့ ဗကသအဖွဲ့ချုပ်ပြော



Share/Bookmark

မတ်လ (၃) ရက်က တာမွေ၊ ကျောက်မြောင်း သပိတ်စစ်ကြောင်းကနေ ကျောင်းသား၊ လူငယ် ၄၀၀ နီးပါးဖမ်းဆီးခံခဲ့ရတဲ့အထဲမှာ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဒုဥက္ကဋ္ဌ ကိုဝေယံဖြိုးမိုးလည်းပါဝင်ပြီး အင်းစိန်ထောင်ရောက်ရှိနေတာပါ။ ထောင်တွင်း ရိုက်နှက်ခံရတဲ့အနေအထားရှိတယ်လို့ ဗကသအဖွဲ့ချုပ်က ပြောပါတယ်။

"မနေ့က ပြန်လွတ်လာတဲ့သူတွေနဲ့ ပြောပြချက်အရ ကိုဝေယံဖြိုးမိုးကို ရိုက်နှက်ထားလို့ မျက်နှာယောင်ကိုင်းနေတာတွေ့ရတယ်၊ အခု ပြန်လွတ်တဲ့ရက်မတိုင်ခင် သုံးလေးရက် အလိုတည်းက သူ့ကို အတူဖမ်းဆီးတဲ့ကျောင်းသားတွေကြားမှာ မတွေ့ရတော့ဘူး။ သူပျောက်နေတယ်လို့ သိရပါတယ်" လို့ ဗကသအဖွဲ့ချုပ်က ကိုရဲရင့် ပြောပြပါတယ်။

ဖမ်းဆီးခံရသူ အမျိုးသမီးတွေကိုတော့ ကိုယ်ထိလက်ရောက် ရိုက်နှက်တာတွေမရှိပေမယ့် တညလုံးဒူးထောက်၊ လက်သုံးချောင်း ထောင်ထားစေတာ စတဲ့နည်းလမ်းတွေအသုံးပြုတယ်လို့ သိရပါတယ်။ လက်ရှိမှာတော့ တာမွေသပိတ်စစ်ကြောင်း ဖမ်းဆီးခံကျောင်းသားလူငယ်တွေထဲက အသက်မပြည့်သေးသူ အယောက် ၅၀ လောက်ကို မတ်လ ၁၁ရက်မှာ ပြန်လွှတ်ပေးခဲ့ပါတယ်။

ဒီလိုဖမ်းဆီးပြီးနှိပ်စက်ညင်းပန်းမှုတွေရှိခဲ့တယ်ဆိုတဲ့ ပြောဆိုချက်တွေနဲ့ပတ်သက်လို့ အင်းစိန်အကျဉ်းထောင်နဲ့ သက်ဆိုင်ရာအကျဉ်းဦးစီးဌာနတွေကို ဘီဘီစီက ဆက်သွယ်မေးမြန်းဖို့ ကြိုးစားနေပြီးလက်ရှိအချိန်ထိတော့ ဆက်သွယ်လို့မရသေးပါဘူး။


BBC Burmese

https://www.bbc.com/burmese/live/burma-56331237



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ