စစ်အာဏာသိမ်းမှု ဆန္ဒပြတဲ့ ထိုင်းရောက်မြန်မာတွေ ဖိအားပေးမှုတချို့ ကြုံနေရ



Share/Bookmark
ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေနဲ့ကျောင်းသားတွေ UNHCR ရှေ့မှာ ဆန္ဒပြကြပုံ။ (ဓာတ်ပုံ-courtesy)

မြန်မာစစ်အုပ်ချုပ်ရေးကောင်စီကို ဆန့်ကျင်ကန့်ကွက်ဆန္ဒပြနေကြတဲ့ မြန်မာနိုင်ငံသား အလုပ်သမားကျောင်းသားတွေကို ထိုင်း လဝကနဲ့ နယ်မြေခံအာဏာပိုင်တွေကဖိအားပေးမူတွေ ရှိနေတယ်ဆိုတဲ့အကြောင်း မအေးအေးမာက ပြောပြပေးထားပါတယ်။

မြန်မာနိုင်ငံမှာ စစ်အုပ်ချုပ်ရေးကောင်စီက အာဏာသိမ်းလိုက်ပြီးတဲ့နောက် ထိုင်းနိုင်ငံမှာရှိတဲ့ ထောင်နဲ့ ချီတဲ့မြန်မာနိုင်ငံသားတွေကကန့်ကွက်ဆန္ဒပြမူတွေဆက်တိုက်ဖြစ်ပေါ်ခဲ့တာပါ။

ဒီဆန္ဒပြပွဲတွေကြောင့် နေထိုင်ခွင့်ဗီဇာတွေကို ထိုင်း လဝက ကနေ ရုတ်သိမ်းမှာဖြစ်တယ်လို့ စစ်ကောင်စီအကြီးတဦးရဲ သားသမီးတွေတက်နေတဲ့ ထိုင်းနိုင်ငံကတကသိုလ်တခုက စာထုတ်ပြောဆိုခဲ့ပြီးတဲ့နောက် ဒီသတင်းဟာလူ မူ ကွန်ယက်တွေမှာကျယ်ကျယ်ပြန့်ပြန့်ဖြစ်သွားခဲ့ပါတယ်။ ဒီနောက်မှာတော့ ထိုင်းလဝက ကတော့ လူဝင်မူကြီးကြပ်ရေးဌာနအနေနဲ့ ဒီလိုပေါ်လစီမရှိကြောင်း ထုတ်ပြန်ခဲ့ပါတယ်။ ဒီလိုထုတ်ပြန်ပေမယ့် ကျောင်းသားနဲ့အလုပ်သမားတွေကြားထဲမှာတော့ ဖိအားပေးမူတွေ ရှိလာတယ်လို့ Myanmar community in Thailand အဖွဲ က ကိုစိုင်းကပြောပြပါတယ်။

“လူတွေနောက်လိုက်တာမျိုး၊ checking လုပ်တာမျိုးတွေရှိတယ်။ တချို့ ဆို နေထိုင်ရာကွန်ဒိုတွေအဆောက်အဦးတွေအထိလာပြီးအချက်အလက်လာယူတာတွေမျိုးပါလုပ်လာတယ်။ ဒါမျိုးတွေ လုပ်လာတယ်။ အလုပ်သမားတွေကိုတော့ ပိုပြင်းထန်တယ်။ စက်ရုံတွေထဲအလုပ်ရုံတွေထဲအခါခါသွားပြီးမင်းဆန္ဒပြပွဲမှာပါသလားဆိုတာခဏခဏ သွားဝင်ပြီးမေးတော့ စက်ရုံထဲရဲခဏခဏဝင်ရင် အလုပ်ရှင်ကလည်းလက်မခံရဲတော့ဘူးဖြစ်လာတယ်။”

အခုဆိုရင် ထိုင်းလဝက နဲ့နယ်မြေအာဏာပိုင်တွေက မေးမြန်းစုံစမ်းတာမျိုး လုပ်တာမျိုးတွေ၊ ဆန္ဒပြပွဲမှာဦးဆောင်ခဲ့ပါတယ်ဆိုတဲ့ဝန်ခံချက်တွေကို လုပ်ခိုင်းတာမျိုးတွေလုပ်ခဲ့ရတယ်လို့ လည်းကိုစိုင်းကပြောပြပါတယ်။

ထိုင်းလူဝင်မှုကြီးကြပ်ရေးဗျူရိုရဲ့တရားဝင်လူမှုကွန်ရက်စာမျက်နှာမှာတော့ ထိုင်းရောက်မြန်မာတွေရဲ့ဥပဒေဘောင်အတွင်းဆန္ဒပြမူကိုတော့ လေးစားပါကြောင်း၊ ဒါပေမယ့်ကိုဗစ်ကပ်ဘေးကာလဖြစ်တာကြောင့်နယ်မြေကျော်ပြီးသွားလာတာဆန္ဒပြတာတွေမလုပ်ဖို့ ရေးသားထားပါတယ် ကိုစိုင်းကတော့ လက်တွေအခြေအနေမှာတော့ ထိုင်းအာဏာပိုင်တွေဘက်က ဖိအားပေးတဲ့ သဘောတွေ တွေ့ရတယ်လို့လည်းပြောပြပါတယ်။

“လဝက ပြောတာမှတ်သားထားတာက သူတို့အနေနဲ သူတို့မှာ ဆန္ဒပြလို့သွားလို့ဗီဇာ Visa ဖျက်သိမ်းတဲ့ပေါ်လစီမရှိဘူး။ သူတို့အနေနဲ့လဝကကတော့ နယ်မြေခံရဲစခန်းက အမှု ဖွင့်အရေးယူတယ်ဆိုရင်တော့ ဒါက ကိုဗစ်ဥပဒေဖြစ်သွားပြီ။ အဲဒါဆိုရင်တော့ ကိုဗစ်ဥပဒေနဲ့ အမှုဖွင့်အရေးယူရင်တော့ ပြစ်မှုကျုးလွန်တဲ့ သူဖြစ်သွားပြီ။ ဒီတော့ ဗီဇာ Visa ကိုဖျက်သိမ်းပြီးပြန်ပို့မယ်ပေါ့။”

ထိုင်းနိုင်ငံမှာမြန်မာအလုပ်သမား၃သန်းထက်မနည်းအလုပ်လုပ်နေကြတာဖြစ်ပြီပါတယ်။ မြန်မာနိုင်ငံမှာ စစ်အာဏာသိမ်းတဲ့နေကစလို့ထိုင်းရောက်မြန်မာအလုပ်သမားတွေကျောင်းသားတွေစုဝေးပြီး မြန်မာနိုင်ငံက သမ္မတနဲ့နိုင်ငံရေး ခေါင်းဆောင်တွေအဖမ်းဆီးခံရတာတွေ၊ ငြိမ်းချမ်းစွာဆန္ဒပြသူတွေ အကြမ်းဖက်နှိမ်နင်းခံရတာနဲပတ်သက်လို့ တလကျော်ကြာတဲ့အထိ မြန်မာသံရုံးနဲ့ ကုလသမဂ္ဂဒုက္ခသည်များမဟာမင်းကြီးရုံးရှေ့မှာ ဆန္ဒပြကန့်ကွက်ခဲ့ကြတာဖြစ်ပါတယ်ရှင်။


မအေးအေးမာ/ VOA Burmese

https://burmese.voanews.com/a/Myanmar-coup-protests--oversea-workers-Thailand-immigration-pressure-/5810893.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ