လုံးခင်းကျေးရွာအုပ်စုမှ အမျိုးသားနှစ်ဦးအား စစ်တပ်မှလာရောက် ဖမ်းဆီး​ခေါ်ဆောင်သွား



Share/Bookmark

မတ်လ ၂၄ရက်နေ့ ညနေ ၄နာရီခွဲခန့်တွင်  ဖားကန့်မြို့၊လုံးခင်းကျေးရွာအုပ်စု၊ငြိမ်းချမ်းသာယာကျေးရွာမှ အမျိုးသားနှစ်ဦးအား စစ်တပ်နှင့်ရဲတပ်ဖွဲ့မှ လာရောက်ခေါ်ဆောင်သွားကြောင်း မိသားစုများထံမှ သိရသည်။

အဆိုပါအမျိုးသားနှစ်ဦး၏ နေအိမ်သို့ တပ်မ ၃၃ ဘက်တံဆိပ်အား ဝတ်ဆင်ထားသည့် စစ်သားနှင့်ရဲတပ်ဖွဲ့ဝင် ၅၀ ဦးခန့်ရောက်ရှိလာခဲ့ပြီး၊ခေါ်ဆောင်သွားခဲ့ခြင်းကြောင်း ခုလိုပြောပြသည်။

"နေအိမ်တွေထဲကိုလည်း ရှာဖွေသွားတယ်၊ဘယ်ကိုခေါ်သွားမှာလဲမေးတော့ ပြောမသွားခဲ့ဘူး"ဟု အဖမ်းဆီးခံရသည့် ကိုမျိုး၏ ဇနီးသည် ဒေါ်ခင်စန်းတင့်ကပြောသည်။

အဖမ်းဆီးခံရသူနှစ်ဦးမှာ ကိုကျော်မျိုးဦး(ခ)ကိုမျိုးနှင့် ဦးမောင်ဌေးတို့နှစ်ဦးဖြစ်ပြီး၊ငြိမ်းချမ်းသာယာ​ကျေးရွာတွင် နေထိုင်သူများဖြစ်သည်။

ထို့​​ပြင် အဖမ်းဆီးခံရသူ နှစ်ဦးသည် အမျိုးသားဒီမိုကရေစီအဖွဲ့ချုပ်ပါတီဝင်နှစ်ဦးဖြစ်ကြောင်းလည်း စုံစမ်းသိရှိရသည်။

ဖားကန့်တွင်ယခုမတ်လအတွင်း စစ်ကောင်စီအာဏာသိမ်းမှုကြောင့် ဆန္ဒဖော်ထုတ်သူ ပြည်သူရှစ်ဦးအား ဖမ်းဆီးအမှုဖွင့်လှစ် အရေးယူထားရှိကြောင်း သိရသည်။


သတင်း၊ဓါတ်ပုံ-နှောင်ရိုး

Kachin News Group

https://www.facebook.com/theKachinNews



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ