မုံရွာ ယနေ့ပစ်ခတ်မှု ၁ ဦးသေ၊၅ ဦးကျည်ထိ၊ ဗိုက်မှန်သောလူငယ် အသက်လုနေရ



Share/Bookmark
ဓာတ်ပုံ-နန္ဒဝန်ရပ်ကွက်မှ ဦးခေါင်းထိမှန်ကျဆုံးသူအား အရေးပေါ်ခေါ်ဆောင်လာစဉ် 

မုံရွာ၊မတ်-၂၁

စစ်ကိုင်းတိုင်း မုံရွာမြို့တွင် ရဲနှင့်စစ်တပ်မှ တရစပ်ပစ်ခတ်ရာ ၁ ဦးသေဆုံးပြီး ၅ ဦးကျည်မှန် ဒဏ်ရရထားကြောင်း သတင်းရင်းမြစ်များထံမှ သိရသည်။

နံနက်၁၀နာရီကျော်က ရဲနှင့်စစ်တပ်မှ နန္ဒဝန်ရပ် ဗိုလ်တေဇ လမ်းအားရှင်း၍ ဝင်ရောက်ရာ  ပြည်သူများနှင့် ထိပ်တိုက်တွေ့ကာ ပစ်ခတ်မှုဖြစ်ပြီး ကိုမင်းမင်းဇော် (၂၇)နှစ် ဦးခေါင်းကျည်ထိမှန်ကျဆုံးသည်။

၎င်းနေရာတွင် ခြေထောက်ထိမှန်သူ၊ ဂုတ်ပိုးကျည်ရှပ်ထိမှန်သူ ၂ဦး ရှိခဲ့သည်။

နေ့လယ်ပိုင်းတွင် နန္ဒဝန်ရပ်ကွက်ရှိ နယ်မြေရဲစခန်း(အမှတ်-၂)ဝန်းကျင် ရဲ၊စစ်တပ်နှင့် ဒေသခံတို့ ထပ်မံထိပ်တိုက်တွေ့ရာ ပစ်ခတ်မှုဆက်ဖြစ်သည်။

အဆိုပါ ပစ်ခတ်မှုကြောင့် လူငယ်၃ ဦးကျည်ထိမှန်သည်။

ပေါင်မှန်သူ ၂ဦး (ရန်ကုန်နှင့် မြိုင်မြို့နယ်တို့မှ လာရောက်အလုပ်လုပ်သူ) နှင့် ဝမ်းဗိုက်၊ခါး၊လက်ကောက်ဝတ်၊ပုခုံးထိမှန်သော စက်မှုဇုန်-၁ နေ အသက် ၁၉နှစ်အရွယ်လူငယ် ၁ဦးတို့ဖြစ်သည်။

အဆိုပါ ဝမ်းဗိုက်ထိမှန်သော လူငယ် မှာကုသမှုခံနေပြီး  စိုးရိမ်ရသော အခြေအနေရှိကြောင်း၎င်း၏ ယောက္ခမဖြစ်သူကပြောသည်။

မုံရွာတွင် မတ် ၃ရက်က ဆန္ဒပြလူထုကို ပစ်ခတ်ရာ၌ ၈ဦး၊ အဆိုပါနေ့က ပြင်းထန်ဒဏ်ရာရပြီး မန္တလေးတွင်ကုသစဉ် မတ်-၁၁ရက်က ကျဆုံးသူ ၁ဦး၊ မတ်-၁၅တွင်  မုံရွာမှ ဆန္ဒပြပြန်ကားအား လိုက်ပစ်ရာတွင် ကျဆုံးသော ကားသမား ၁ဦး၊ လမ်း၌ ဖမ်းခံရပြီး ဒဏ်ရာများဖြင့်သေဆုံးသော CDM ဝင် သစ်တောဝန်ထမ်း ၁ဦး ၊ယနေ့ နန္ဒဝန်ရပ်ကွက်မှ ၁ဦး စုစုပေါင်း ကျ​ဆုံသူ ၁၂ဦး ရှိပြီဖြစ်သည်။


Monywa Gazette

https://www.facebook.com/monywagazette



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ