ပြည်သူတ​ယောက်ရဲ့ ခံစားချက်



Share/Bookmark


Photo Credit - original uploader

၁.၃.၂၀၂၁

ဒီ​နေ့တ​နေကုန် စိတ်ပင်ပန်းလွန်းလို့ မ​ရေး​တော့ဘူးစဥ်းစားမိ​ပေမဲ့ ဒီ​နေ့အဖြစ်အပျက်ကို မှတ်တမ်းတင်ချင်လို့​ရေးထားမယ်။ မ​နေ့ကတည်းက ​မြေနီကုန်းကို လုပ်ချင်​နေကြတာ။ မ​နေ့ကမနက်က ထမင်းဗူးအတွက်ဓမ္မာရုံမှာပြင်ဆင်​နေတုန်း ပစ်သံ​တွေကြားရပြီး က​လေး​တွေ​ပြေးဝင်လာခဲ့ကြတယ်။ 

က​လေးတ​ယောက် သူ့အ​မေဆီက ဖုန်းလာ​တော့ သားအခု​ပြေး​နေတယ်။ ပစ်​နေလို့​ပြေးလာတာတဲ့။ ည​နေမှ​ရောက်မလာရင်​တော့ ဖမ်းခံထိပြီလား။ ​သေပြီလားသာမှတ်လိုက်ပါအ​မေတဲ့။ တကယ်ကို သူတို့​တွေက ​ဖောင်ဖျက်ပြီးသား​တွေ။

တကယ်ဆို ဒီ​နေ့က လမ်းထဲမှာ လမ်း​တောင်ပိတ်မထားပဲ ​နေ​နေကြတဲ့အချိန် ပစ်သံ​တွေနဲ့အတူ တချို့​တွေ ​ပြေးဝင်လာကြတယ်။ မ​နေ့ကလိုလည်း မများပါဘူး။ ဒါ​ပေမဲ့ လမ်းမကျယ်ကြီး​တွေတင် မ​ကျေနပ်နိုင်လို့ လမ်း​တွေထဲထိဝင်လာ ခြိမ်း​​ခြောက်ခဲ့ကြတယ်။ ဆန္ဒထုတ်​ဖော်​နေသူ​တွေဟာ ဘယ်သူမှအကြမ်းမဖက်ကြဘူး။ မိမိတို့လိုချင်တာကို ​​တောင်းဆိုတာပဲရှိကြတယ်။ သီချင်း​တွေဆိုကြတယ်။ ဆဲသံ​တောင်မကြားရပါဘူး။ မတရားတာအတွက် ပြည်သူတိုင်း၊ လူသားတိုင်းမှာ​တောင်းဆိုဆန္ဒထုတ်​ဖော်ပိုင်ခွင့်ရှိတာ ပြည်သူ​တွေရဲ့ လူ့အခွင့်အ​ရေးပါ။ 

လမ်းထဲက လမ်းဆုံက​နေ သူတို့ကိုယ်သူတို့ စစ်​မြေပြင်​ရောက်​နေတဲ့အတိုင်း အသင့်ပြင်​နေကြတယ်။လက်နက်မရှိတဲ့ပြည်သူ​တွေကို လက်နက်တကားကားနဲ့ ခြိမ်း​ခြောက်တယ်။ အသံဗုံးအချက် ၂၀​​လောက်ကိုဆက်တိုက်ပစ်​နေတာ စစ်​မြေပြင်ထင်​နေလားမသိဘူး။ လူသိန်းနဲ့ချီ​နေ​နေကြတဲ့ လူ​နေရပ်ကွက်ထဲမှာပါ။အိမ်​တွေထဲမှာ လူကြီး​တွေရှိမယ်၊ က​လေး​တွေရှိမယ်၊ ​မွေးကင်းစက​လေး​တွေရှိ​​နေတယ်။ အားလုံးကို​ခြောက်လှန့်လိုက်သလိုဖြစ်ကုန်တယ်။

အ​ဆောင်တခုက အမျိုးသမီး​တွေကို တိုက်အ​ပေါ်ထပ်ထိတက်ပြီး ​ခေါ်သွားကြတယ်။ ​ရှေ့လမ်းထဲက တ​ယောက်ဆွဲသွားခံရတဲ့အချိန်မှာ​တော့ ပြည်သူ​တွေရဲ့ ​ဒေါသက ထိန်းရခက်သွားပြီ။ 

အိမ်​တွေထဲက​နေ ​ကြွေး​ကြော်သံ​တွေ​အော်တယ်၊ သီးချင်း​တွေဆို၊ သံပုံး​တွေတီးကြတယ်။ အဲဒီလိုအသံ​တွေကြားတာနဲ့ သူတို့​ကပစ်ဖို့ချိန်ကြပြီပဲ။ စဥ်းစားကြည့်မိတယ်။ မဟုတ်တာလုပ်​နေတဲ့သူ​တွေကို မဟုတ်ဘူးတည့်တည့်​​ပြော​တော့နာတတ်သလိုမျိုး သူတို့က ဆဲတယ်။ 

ဒိုင်း​တွေ၊ ကျည်ကာ​တွေ၊ လက်နက်မျိုးစုံ၊ မျက်ရည်ယိုဗုံးကိုင်ထားပြီး ပြည်သူ​တွေရဲ့ ​ကြွေး​ကြော်သံ​တွေကို​ကြောက်တယ်။ 

ခဏငြိမ်​နေတဲ့အချိန် သူတို့က ဦးဝိစာရလမ်းထိပ်နားမှာ​နေရာယူထားတယ်။ အ​ပေါ်ထပ်​တွေက​ပြောပုံအရ လမ်းထိပ်က ကား၄စီး သူဘာသာသူ ရပ်ရမဲ့​နေရာရပ်ထားတာကို ကရိမ်းနဲ့ဆွဲယူသွားတယ်တဲ့။ အဲဒီ​တော့မြင်တဲ့သူ​တွေက ဆဲကြ​တော့တာ။ အဲဒီကား​တွေထဲမှာ လမ်းထဲက ဖုန်းဆိုင်လာဖို့ ကားထိုးခဲ့တဲ့ သူငယ်ချင်းအကိုကားပါ ပါသွားတယ်။ သူက ဖုန်းဆိုင်ထဲမှာ ပိတ်မိ​နေခဲ့တာ။ အပြန်​တောင် ကူညီလိုက်ပို့​​ပေးသူ​တွေရဲ့ကားနဲ့ပြန်သွားခဲ့ရတယ်။

ကား​တွေဆွဲသွားပြီး ခဏ​နေ​တော့ သူတို့​တွေဆီက​နေ ဆဲသံ​တွေကြားရတယ်။ အဲဒီ​တော့ ဒီဘက်လမ်းဆုံမှာ လမ်းကြား​တွေထဲကထွက်လာကြတဲ့ ရပ်ကွက်သား​တွေက ပြန်​အော်၊ သံပုံး​ခေါက်၊ ဆဲတဲ့သူကဆဲနဲ့ ​ရှေ့တက်ကြမယ်လုပ်​တော့ မျက်ရည်ယိုဗုံးနဲ့လူစုခွဲပါတယ်။ အသံဗုံးနဲ့လည်းခဏခဏပစ်နဲ့။ ရုန်းရင်းဆန်ခတ်​တွေဖြစ်ကုန်တယ်။ အိမ်​ပေါ်​တွေက​နေ ​ရေ​လောင်းချ​ပေးကြတယ်။ အဲဒါ သူတို့ကို ​လောင်းချတာမဟုတ်ပဲ မျက်ရည်ယိုဗုံးထိသူ​တွေကို ​လောင်းချ​ပေးတာပါ။

ခဏ​နေသူတို့ငြိမ်​နေပါလားလို့​နေ​တော့ ​​ပြည်သူ​တွေရဲ့အ​နောက်ဖက် ​စျေးထိပ်က​နေ​​​နောက်တဖွဲ့ကဝင်လာ​တော့ အားလုံး အိမ်ထဲဝင်​ပြေးကြရတယ်။ အဲဒီမှာ အမိန့်ပေးသူပါ ပါလာပြီး အဲဒီသူက ​တော်​တော်ရိုင်းတာပါ။ ချကွာ၊ ပစ်ကွာနဲ့ စစ်​​မြေပြင်​ရောက်​နေသလို၊ ပြည်သူကို ရန်သူလိုဆက်ဆံတာပါ။ အဲလိုလည်း​ပြော​ရော ရဲ​တွေအားလုံးအမျိုးစုံဆဲပြီး ဟိုအိမ်က ​ရေနဲ့​လောင်းတယ်၊ ဒီအိမ်က​ရေနဲ့​လောင်းတယ်နဲ့​ပြောပြီး တိုက်အ​ပေါ်​တွေကို လက်နက်နဲ့ချိန်ပါတယ်။ ပြည်သူ​တွေကို

ဘာထွက်ကြည့်တာလည်း ​သေသွားချင်လို့လား ပစ်ထည့်လိုက်မယ်။

​ခေါင်းထွက်မလာနဲ့ အ​သေပစ်သတ်ပစ်လိုက်မယ်။(ဆဲနည်း​ပေါင်းစုံနဲ့)

အဲဒီအချိန်လမ်းကြားထဲက ​ကြွေး​ကြော်သံ​တွေထွက်လာ​တော့ အဲဒီလမ်းကြားထဲကိုတက်ဆိုပြီး ညာသံ​​ပေးပြီး တက်သွားကြပြီး အိမ်​တွေထဲဝင်ဖမ်းတယ်။ အိမ်တအိမ်ကသူတို့​ပေါ်ကို ​ရေ​လောင်းချလိုက်​သေးတယ်(အဲဒါမှသူတို့ကို​လောင်းတာပါ။) အဲဒီအိမ်က​တော့ ပါသွားပုံ​ပေါ်တယ်။ 

၅​ယောက်ကို ​​နောက်လက်ပြန်တုတ်ပြီး လမ်းထိပ်ထွက်လာ​တော့ အဲဒီအမိန့်​ပေးတဲ့သူက 

လှုပ်ရဲလှုပ်ကြည့်ကြ၊ ဒီမှာကြည့်ထားကြ၊ အိမ်တံခါး​သော့ခတ်ထားလည်း ဖျက်ဝင်ဖမ်းထားတာ မြင်တယ်မလားဆိုပြီး လမ်း​ပေါ်က​နေ ပြည်သူ​တွေကိုခြိမ်း​ခြောက်သွားတယ်။ လမ်း​ပေါ်​ရေကွက်ရှိတဲ့အိမ်​တွေ​ရှေ့မှာ ခြိမ်း​ခြောက်​ပြောဆိုကြတယ်။

ပြည်သူကို ရန်သူလိုသ​​ဘောထားပြီးသတ်ဖို့ဝန်မ​လေးကြ​တော့ဘူး။

မိမိပိုင်အိမ်ခန်းရဲ့ ဝရံတာက​နေ အသံလည်းထွက်ခွင့်မရ၊ ဝရံတာက​နေ​တောင်ကြည့်ခွင့်မရတဲ့ ကိုယ်ပိုင်အခွင်ြအ​ရေး​တွေ ဆုံးရှုံး​နေခဲ့ကြရတယ်။

ဒီလိုကိစ္စမျိုး​တွေကို ကချင်ပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကရင်ပြည်နယ်စတဲ့ ​နေရာ​တွေမှာ နှစ်​တွေအများကြီးလုပ်လာခဲ့ကြတာ။ အခု​တော့ မြို့ကြီး​ပေါ်မှာ ​ပေါ်​ပေါ်ထင်ထင်ကိုလုပ်​နေ​တော့တာ။ ၈၈တုန်းကလည်း လုပ်ခဲ့ကြတယ်။ 

စစ်​​ဘေး​ရှောင်စခန်း​တွေသွားခဲ့တုန်းကလည်း တပ်မ​တော်လို​ခေါ်တဲ့ စစ်တပ်ဆိုတာနဲ့​တွေ့ရင် မလုံခြုံမှုကိုခံစားခဲ့ရတယ်။ ဒီ​နေ့အဲဒီခံစားမှုထက်ဆိုးတဲ့ခံစားမှုကိုခံစားလိုက်ရတယ်။ (တိုင်းရင်းသားလက်နက်ကိုင်​တွေကြားထဲသွားဖူးခဲ့တယ်။ သူတို့က ကိုယ်​တွေကို ကာကွယ်​ပေးခဲ့တယ်။)

မင်းမဲ့စရိုက်ဆန်ဆန် လက်နက်အားကိုးနဲ့ ပြည်သူ​တွေကို ရန်သူသဖွယ် ပစ်ခတ်သတ်ဖြတ်၊ အသက်အိုးအိမ်စည်းစိမ်​တွေကို ဖျက်ဆီး​နေသူ​တွေကို ထိန်းမဲ့တားမဲ့သူမရှိကြ​တော့ဘူးလားရယ်လို့ ကိုယ်​မွေးဖွားရာဒီတိုင်းပြည်အတွက် စိတ်မ​ကောင်း​တော်​တော်ဖြစ်ရသလို ပြည်သူ​တွေကို ရိုင်းပြ​စော်ကားဆဲ​ရေးတိုင်းထွာခြိမ်း​ခြောက်တာ​တွေကြားရတဲ့အခါ အသားတဆတ်ဆတ်တုံ​အောင် မခံနိုင်ဖြစ်မိတယ်။ 

ဆန္ဒထုတ်​ဖော်​နေသူ​တွေကို လူစုခွဲဖို့ရည်ရွယ်ချက်နဲ့ ရာဘာကျည်၊ မျက်ရည်ယိုဗုံးသုံးတာ​တောင် လက်မခံနိုင်တာ ကျည်အစစ်သုံးပြီး ​ခေါင်းပွင့်​အောင်၊ ရင်ဘတ်တည့်တည်ထိ​အောင်၊ ဆီးစပ်ကိုထုတ်ချင်း​ပေါက်ပစ်တာမျိုးဟာ ​သေ​စေလိုတဲ့ရည်ရွယ်ချက်အထိဖြစ်​နေတာပါ။

လက်နက်ကိုင်အချင်းချင်းသူ​သေကိုယ်​သေတိုက်ရတဲ့တိုက်ပွဲမဟုတ်ပါဘူး။ မတရားမှု​တွေမှာ မတရားမှု့ဆင့်လို့ကျူးလွန်​နေတာ ​ကာကွယ်​ရေး၊ ပြည်ထဲ​ရေးဆိုတဲ့ဌာန​တွေက အရင်ကလည်း ပြည်သူအားလုံးအတွက် မဟုတ်ခဲ့သလို အခုလည်းပြည်သူ​တွေအတွက်လုံးဝမဟုတ်​တော့ဘူးဆိုတာ ဒီတပွဲမှာ သက်​သေပြ​လိုက်ပြီ။


Phyu Ei Thein' facebook

ဒီ post ဖတ်ပြီး မ​ကျေနပ်သူ​တွေ၊ မကြိုက်သူ​တွေရှိနိုင်တယ်။ ဒါ​ပေမဲ့ ဒါ ပြည်သူတ​ယောက်ရဲ့ခံစားချက်ပါ။


Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ