မန္တလေးမှာ ပစ်ခတ်မှုကြောင့် အမျိုးသမီးတစ်ဦးသေဆုံး



Share/Bookmark


မတ်လ ၁၄ ရက်နေ့က မန္တလေးမြို့မှာ စစ်တပ်နဲ့ရဲတို့ ပစ်ခတ်တာကြောင့် ၄၂ လမ်း နဲ့ ၈၅ လမ်းအနီးမှာ အမျိုးသမီးတစ်ဦး ကျည်ထိမှန် သေဆုံးခဲ့တယ်လို့သိရပါတယ်။

နေ့လည်ပိုင်းက မြတောင်ဘုန်းကြီးတိုက်ကိုသပိတ်ခေါင်းဆောင်ကို စစ်နဲ့ရဲက ဝိုင်းကာ ကျောင်းထဲထိ‌ ဝင်‌စစ်‌ဆေးတာ‌တွေလုပ်လို့ ဒေသခံတချို့က ဆန္ဒပြတာတွေ ပြုလုပ်ပါတယ်။ ဒီနောက်ပိုင်းမှာ ပြည်သူနဲ့ စစ်တပ်တို့ ထိပ်တိုက်တွေ့ပြီး စစ်တပ်နဲ့ရဲဘက်က ပစ်ခတ်တာတွေ စတင်လာပါတယ်။

" ရာဘာကျည်ထိတာ နှစ်ယောက်၊ ကျည်အစစ်ထိတာ တစ်ယောက်။ တစ်ခါတည်းရဲကားတွေနဲ့ ဆွဲခေါ်သွားတာ တွေ့လိုက်တယ်။ အဓိကမိန်းလမ်းတွေကို သူတို့က တပ်စွဲထားတာ

၃၅လမ်းကနေ ၄၁လမ်းတစ်လျှောက် ၈၃လမ်းကနေ ၈၇လမ်းတစ်လျှောက် ဆက်တိုက်ဆိုသလို ပစ်နေကြတာ။အခု ခဏအပစ်ရပ်နေတာ"လို့ ညနေပိုင်း အခြေနေကို ပစ်ခတ်မှု ဖြစ်ပေါ်နေတဲ့ ရပ်ကွက်ဒေသခံတစ်ဦးကပြောပါတယ်။

လက်ရှိအချိန်မှာ ကျည်ထိမှန်ဒဏ်ရာရရှိသူ ၅ ဦးရှိပြီး ဖမ်းဆီးခံရသူ ၂၀ ဝန်းကျင်ခန့်ရှိနိူင်တယ်လို့ သိရပါတယ်။

မနေ့ ကလည်း မန္တလေးစိန်ပန်းရပ်ကွက်မှာ စစ်အာဏာရှင် ဆန့်ကျင်တဲ့ မန္တလေးတပ်ပေါင်းစု ထိုင်သပိတ်ကို ရဲနှင့်စစ်သားတွေ ပိတ်ဆို့ ဖြိုခွဲ ဖမ်းဆီးခဲ့တာကြောင့် ၆ ဦး သေဆုံးခဲ့ပြီး ထိခိုက်ဒဏ်ရာရသူနဲ့ ဖမ်းဆီးခံရသူ အများအပြားရှိခဲ့ပါတယ်။


BBC Burmese

https://www.bbc.com/burmese/live/burma-56331237



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ