ထိုင်းစစ်တပ်က မြန်မာဘက်က ထွက်ပြေးလာမယ့်သူတွေ အတွက် ယာယီစခန်းတွေ စီစဉ်



Share/Bookmark








ဘန်ကောက်၊ မတ် ၁၅၊ ၂၀၂၁

ထိုင်းစစ်တပ်က ရနောင်းနဲ့ ချမ်ဖွန် ခရိုင်တွေမှာ မြန်မာဘက်က ထွက်ပြေးလာမယ့် သူတွေအတွက် ယာယီစခန်းတွေ စီစဉ်နေတယ် လို့ ဘန်ကောက်ပို့စ်က ဖော်ပြပါတယ်။

Thep Satri Task Force ရဲ့ တပ်မှူး ဗိုလ်ချုပ် Santi Sakuntak က ရနောင်းခရိုင်က Muang, La-un နဲ့ Kra Buri စီရင်စုတွေနဲ့ အနီးနား က ချန်ဖွန်ခရိုင်ကTha Sae စီရင်စုတွေမှာ ယာယီခိုလှုံဖို့နေရာတွေ အဖြစ် သတ်မှတ်ထားတယ်လို့ ပြောကြားပါတယ်။

ထိုင်းနိုင်ငံက လူသားချင်း စာနာထောက်ထားမှုဆိုင်ရာ အကူအညီ တွေ နဲ့ လက်ခံမှာဖြစ်ပြီး အမြဲတမ်း ဒုက္ခသည်စခန်းတွေ တည်ဆောက်မှာမဟုတ်ဘဲ အခြေအနေ ပြန်ကောင်းလာတာနဲ့ ထွက်ပြေးလာသူတွေကို ပြန်ပို့မှာဖြစ်တယ်လို့လည်း သူက ဆိုပါ တယ်။

ဖေဖော်ဝါရီ ၁ ရက် အာဏာသိမ်းချိန်ကစကာ မြန်မာ စစ်အစိုးရကို ဆန့်ကျင်ဆန္ဒပြမှုတွေကို လုံခြုံရေးတပ်ဖွဲ့တွေက အင်အားသုံး ဖြိုခွင်းနေပြီး မတ်လ ၁၄ ရက်ကလည်း လူ ၃၉ ဦး သေဆုံးခဲ့ ကြောင်း၊ ဖေဖော်ဝါရီ ၁ ရက်မှာ ရွေးကောက် တင်မြှောက်ခံ ခေါင်းဆောင် ဒေါ်အောင်ဆန်းစုကြည်ရဲ့ အစိုးရဖြုတ်ချခံရပြီး နောက် သွေးထွက်သံယိုမှု အများဆုံးနေ့ ဖြစ်တယ်လို့လည်း ဘန်ကောက်ပို့စ် သတင်းမှာ ရေးသား ဖော်ပြထားပါတယ်။


သတင်း - ဘန်ကောက်ပို့စ် (Bangkok Post)

ပုံစာ - မြန်မာနဲ့ ထိစပ်နေတဲ့ ထိုင်းနိုင်ငံ ရနောင်းခရိုင် မြေပုံ။ မြန်မာပြည် ဆန္ဒပြ မြင်ကွင်းများ။

ဓာတ်ပုံ - Bangkok Post ၊ အင်တာနက် စာမျက်နှာများ

Golden Triangle Regional News - ရွှေတြိဂံဒေသသတင်းလွှာ

https://www.facebook.com/GoldenTriangleRegionalNews



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ