မြန်မာနိုင်ငံရဲတပ်ဖွဲ့ စည်းကမ်းထိန်းသိမ်းရေးဥပ‌ဒေကို ရုပ်သိမ်းသည့်ဥပဒေ



Share/Bookmark


(၂၀၂၁ ခုနှစ်၊ ပြည်ထောင်စုလွှတ်တော် ဥပဒေအမှတ် ၃)

၁၃၈၂ ခုနှစ်၊ တပို့တွဲလပြည့်ကျော် ၉ ရက်

(၂၀၂၁ ခုနှစ်၊ မတ်လ ၇ ရက်)

နိဒါန်း


 မြန်မာနိုင်ငံရဲတပ်ဖွဲ့၀င်များသည် မြန်မာနိုင်ငံလွတ်လပ်ရေးမရမီ ဗြိတိသျှကိုလိုနီခေတ်မှစ၍ ၁၈၉၉ ခုနှစ်၊ ရန်ကုန် ရဲအက်ဥပ‌‌ဒေ၊ ၁၉၄၅ ခုနှစ် မြန်မာနိုင်ငံရဲအက်ဥပဒေတို့ပါ ပြဌာန်းချက်များနှင့် မြန်မာနိုင်ငံ ရဲလက်စွဲများ ပါ ညွှန်ကြားချက်များအရ နိုင်ငံတကာ ရဲလုပ်ငန်း စံချိန် စံညွှန်းများနှင့်အညီ တာ၀န်ကျေပွန်စွာ ထမ်းဆောင်နိုင်ခဲ့ပါ သည်။ ၁၉၉၅ ခုနှစ်တွင် ပြဌာန်းခဲ့သော မြန်မာနိုင်ငံ ရဲတပ်ဖွဲ့စည်းကမ်းထိန်းသိမ်းရေး ဥပ‌ဒေပြဌာန်းချက်များသည် အဆိုပါ ရဲအက်ဥပ‌ဒေပြဌာန်းချက်များတွင် ‌‌ယေဘုယျအားဖြင့် အကျုံး၀င်ပြီး ဖြစ်သဖြင့် ထိုဥပဒေကို ဆက်လက် ကျင့်သုံးရန် မလိုအပ်သည့်အတွက်ကြောင့်လည်းကောင်း၊ ရဲတပ်ဖွဲ့၀င်များ ၏ နိုင်ငံသားဆိုင်ရာ မူလအခွင့်အရေးကို ဖိနှိပ်ချုပ်ချယ်ထားသော ပုဒ်မများ ပါ၀င်နေ၍လည်းကောင်း၊ ရဲတပ်ဖွဲ့၀င်များအနေဖြင့် ပြည်သူလူထုကို မျက်နှာမူ နိုင်ရန် အတားအဆီး ဖြစ်နေခြင်းကြောင့်လည်းကောင်း၊ ယခုအချိန်အခါတွင် ရဲတပ်ဖွဲ့၀င်များသည် နိုင်ငံတော်နှင့် နိုင်ငံသားတို့၏ သစ္စာကို‌ စောင့်သိရိုသေပါမည် ဟူသော အဓိကကျင့်၀တ်ကို စောင့်ထိန်းလိုက်နာရန် လိုအပ်သည့် အတွက်ကြောင့်လည်းကောင်း ပြည်ထောင်စု လွှတ်တော်သည် ဤဥပဒေကို ပြဌာန်းလိုက်သည်။

၁။ ဤဥပဒေကို မြန်မာနိုင်ငံ ရဲတပ်ဖွဲ့ စည်းကမ်းထိန်းသိမ်းရေးဥပဒေကို ရုပ်သိမ်းသည့် ဥပ‌ဒေ ဟုခေါ် တွင် စေရမည်။

၂။ မြန်မာနိုင်ငံရဲတပ်ဖွဲ့ စည်းကမ်း ထိန်းသိမ်းရေး ဥပဒေ (နိုင်ငံတော် ငြိမ်၀ပ်ပိပြားမှုတည် ဆောက်ရေးအဖွဲ့ဥပဒေ အမှတ် ၄/၁၉၉၅) ကို ဤ ဥပ‌ဒေဖြင့် ရုပ်သိမ်းလိုက်သည်။

ပြည်ထောင်စု သမ္မတ မြန်မာနိုင်ငံ‌တော် ဖွဲ့စည်းပုံအခြေခံဥပဒေအရ ကျွန်ုပ်လက်မှတ်ရေးထိုးသည်။

(ပုံ) ၀င်းမြင့်

နိုင်ငံတော်သမ္မတ

ပြည်ထောင်စုသမ္မတမြန်မာနိုင်ငံတော်


Committee Representing Pyidaungsu Hluttaw - CRPH

https://www.facebook.com/crph.official.mm/



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ