လူနာပို့ပြီးပြန်လာတဲ့ ပရဟိတဝန်ထမ်း နှစ်ဦး အဖမ်းခံရပြီးထောင်တစ်လကျ



Share/Bookmark

မော်လမြိုင် တပ်မတော် စစ်ဆေးရုံကို လူနာပို့ပြီး ပြန်လာတဲ့ကျိုက္ခမီက ပရဟိတစေတနာ့ဝန်ထမ်း နှစ်ဦးဟာ မတ်လ ၁၅ ရက်နေ့က ပုဒ်မ ၁၈၈ တရားစွဲခံရပြီးနောက် ထောင်ဒဏ်တစ်လစီ ချမှတ်ခံရတဲ့လို့ ဟိကာရီ ဗုဒ္ဓဘာသာ လူငယ်များ နာရေးကူညီမှုအသင်းတာဝန်ရှိသူတစ်ဦးက ဘီဘီစီကို ပြောပါတယ်။

သူတို့ကို အာဏာသိမ်းစစ်ကောင်စီ ယာဥ်တန်းက လူနာပို့ပြီးပြန်အလာမှာ ရပ်တန့်စစ်ဆေးပြီးတော့ ဖမ်းဆီးခဲ့တာ ဖြစ်ပါတယ်။

သူတို့ကို နိုင်ငံတော် အကြည်ညိုပျက်စေမှုပုဒ်မ ၅၀၅ က နဲ့တရားစွဲဖို့ လုပ်ခဲ့ပြီး‌နောက်ပိုင်းမှာတော့ ပုဒ် ၁၈၈ နဲ့ ပြောင်းလဲတရားစွဲ ခံခဲ့ရတာဖြစ်တယ်လို့ အသင်းတာဝန် ရှိသူတစ်ဦးက ပြောပါတယ်။

ကျိုက္ခမီမြို့မှာ အဓိက ကူညီပေးနေတဲ့ ပရဟိတအသင်းတစ်ခုဖြစ်တဲ့ ဟိကာရီအသင်းအနေနဲ့ ဖမ်းဆီးခံရမှုတွေရှိလာတဲ့အတွက် လူနာတွေကို သယ်ယူပို့ဆောင်တဲ့အလုပ်တွေကိုလည်း ရပ်နားထားလိုက်ရပြီလို့ ဆိုပါတယ်။

ပုဒ်မ ၁၈၈ ကတော့ ညမထွက်ရ အမိန့်ကိုဖောက်ဖျက်မှုဖြစ်ပြီး ထောင်ဒဏ် တစ်လ ကနေ ၆ လအထိ ချမှတ်နိုင်တဲ့ ရာဇသတ်ကြီးဥပဒေ ဖြစ်ပါတယ်။


BBC Burmese

https://www.bbc.com/burmese/live/burma-56331237



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ