ပြည်သူကို ဖမ်းဆီးသတ်ဖြတ်တာရပ်ရမယ်လို့ ကုလလူ့အခွင့်ရေးဆိုင်ရာ ကော်မရှင်နာမင်းကြီးပြော



Share/Bookmark
 

ငြိမ်းချမ်းစွာ ဆန္ဒပြနေတဲ့ ပြည်သူတွေကို မြန်မာစစ်တပ်က ရက်စက်ပြင်းထန်စွာ နှိမ်နင်းနေတာ၊ သတ်ဖြတ်တာ၊ ဖမ်းဆီးထောင်ချတာတွေကို ရပ်ပစ်ရမယ်လို့ ကုလသမဂ္ဂလူ့အခွင့်ရေးဆိုင်ရာ ကော်မရှင်နာမင်းကြီး Michelle Bachelet က မနေ့ကကြေညာချက်ထုတ်ပြန် ပြောကြားလိုက်ပါတယ်။ 

သူ့အနေနဲ့ လက်နက်သုံးပြီး အကြမ်းဖက်ပစ်ခတ်တာကို အလွန်မုန်းတီးရွံ့ရှာကြောင်း၊ ဆန္ဒပြပြည်သူတွေကို ကူညီကုသပေးတဲ့ အရေးပေါ် လူနာတင်ယာဉ်က ဝန်ထမ်းများကို ရက်ရက်စက်စက် အကြမ်းဖက်ရိုက်နှက်နေတဲ့ မှတ်တမ်း ဗီဒီယိုကို ကြည့်ရတဲ့အတွက် စစ်တပ်ရဲ့လုပ်ရပ်ကို အလွန်ပဲအံ့အားသင့်မိကြောင်းလည်း ထည့်သွင်းပြောကြားထားပါတယ်။ 

စစ်အုပ်ချုပ်မှုယန္တရား ယိုယွင်းစေရေး လူထုအခြေပြု CDM လှုပ်ရှားမှုမှာပါဝင်တဲ့ မြန်မာအရာရှိတွေအပါအဝင် လူထုကို သြဇာလွှမ်းမှု ရှိသူတွေ၊ သတင်းစီးဆင်းစေသူတွေ အားလုံးအနေနဲ့ လက်ရှိကာလရော အတိတ်မှာပါ စစ်တပ်က ကျူးလွန်ခဲ့တဲ့ ဆိုးဆိုးဝါးဝါး လူ့အခွင့်အရေး ချိုးဖောက်မှုတွေကို စစ်ခေါင်းဆောင်တွေ တာဝန်ခံရစေရေး နိုင်ငံတကာရဲ့ ကြိုးပမ်းမှုတွေကို ပူးပေါင်းဆောင်ရွက်ထောက်ခံဖို့လည်း Michelle Bachelet က တိုက်တွန်းလိုက်ပါတယ်။


RFA Burmese

https://www.facebook.com/rfaburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ