တောင်ကိုရီးယားရောက် ကန်ဝန်ကြီး Blinken မြန်မာစစ်အာဏာသိမ်းမှု အလေးထားပြောကြား



Share/Bookmark



အာရှခရီးစဉ် တစိတ်တပိုင်းအဖြစ် တောင်ကိုရီးယားနိုင်ငံကို ရောက်နေတဲ့ အမေရိကန် နိုင်ငံခြားရေး ဝန်ကြီး Antony Blinken ဟာ တောင်ကိုရီးယား နိုင်ငံခြားရေးဝန်ကြီး Chung Eui-yong နဲ့ ဗုဒ္ဓဟူးနေ့က တွေ့ဆုံခဲ့ရာမှာ စစ်တပ်က အာဏာသိမ်းခဲ့တဲ့ မြန်မာနိုင်ငံ အပါအဝင် ဒေသတွင်းမှာ ဒီမိုကရေစီရေးအတွက် စိန်ခေါ်မှုတွေ ကြုံနေရတဲ့ အခြေအနေတွေကို အလေးထား ပြောဆိုသွားပါတယ်။

"မြန်မာနိုင်ငံမှာ ဒီမိုကရေစီနည်းကျ ကျင်းပခဲ့တဲ့ ရွေးကောက်ပွဲ ရလဒ်ကို ပြောင်းလဲပစ်ဖို့ စစ်တပ်က ကြိုးစားနေပြီး၊ တိုင်းပြည် အနာဂတ်အတွက် ရိုးရိုးရှင်းရှင်း ကိုယ့်ဆန္ဒကို ထုတ်ဖော်ကြတဲ့ ဆန္ဒပြသူတွေကိုလည်း ရက်ရက်စက်စက် ဖြိုခွဲနေပါတယ်။" လို့ ဝန်ကြီး Blinken က ပြောပါတယ်။

အမေရိကန်သမ္မတ Joe Biden အစိုးရရဲ့ နိုင်ငံခြားရေးဝန်ကြီးအဖြစ် ပထမဆုံးအကြိမ် အာရှခရီးထွက်လာတဲ့ ဝန်ကြီး Blinken ဟာ တောင်ကိုရီးယားနိုင်ငံ ခရီးစဉ် မတိုင်ခင် ဂျပန်နိုင်ငံကို ရောက်ရှိစဉ်မှာလည်း မြန်မာနိုင်ငံ အရေးနဲ့ ပတ်သက်လို့ အလေးထား ပြောဆိုခဲ့တာပါ။

မြန်မာနိုင်ငံမှာ ဖေဖော်ဝါရီလ ၁ ရက်နေ့က အရပ်သားအစိုးရ ခေါင်းဆောင်တွေကို ဖမ်းဆီးဖယ်ရှားပြီး စစ်တပ်က အာဏာသိမ်းလိုက်တဲ့အပေါ် တုန့်ပြန်တဲ့အနေနဲ့ အမေရိကန် ပြည်ထောင်စုက မြန်မာစစ်ခေါင်းဆောင်တွေနဲ့ မိသားစုဝင်တွေ၊ ဆက်နွယ်နေတဲ့ လုပ်ငန်းတွေကိုလည်း ပိတ်ဆို့ဒဏ်ခတ်မှုတွေ ချမှတ်ထားပါတယ်။

ပြီးခဲ့တဲ့ သီတင်းပတ်ထဲမှာပဲ တပ်မတော်အကြီးအကဲ ဗိုလ်ချုပ်မှူးကြီး မင်းအောင်လှိုင်ရဲ့ သားဖြစ်သူ အောင်ပြည့်စုံ၊ သမီးဖြစ်သူ ခင်သီရိသက်မွန် နဲ့ သူတို့ ဦးဆောင်လုပ်ကိုင်နေတဲ့ ကုမ္ပဏီ ၆ ခုကို အရေးယူလိုက်ကြောင်း အမေရိကန် ဘဏ္ဍာရေးဝန်ကြီးဌာနက ကြေညာထားပါတယ်။ 


 ဗွီအိုအေ (မြန်မာပိုင်း)

https://burmese.voanews.com/a/blinken-myanmar-/5818604.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ