ဆန္ဒပြသူတွေကို အင်အားသုံးမှု လက်မခံနိုင် - ကုလဌာနညှိုနှိှုင်းရေးမှုး

Ola Almgren (UN Philippines)

လုံခြုံရေးတပ်ဖွဲ့တွေအနေနဲ့ ဆန္ဒပြသူတွေအပေါ် မမျှတတဲ့အင်အား အသုံးပြုတာကို လက်မခံနိုင်ဘူးလို့မြန်မာနိုင်ငံဆိုင်ရာ ကုလသမဂ္ဂ ဌာနေညှိနှိုင်းရေးမှူးနဲ့ လူသားချင်းစာနာမှုဆိုင်ရာ ညှိနှိုင်းရေးမှူး Mr. Ola Almgren ကပြောပါတယ်။

ငြိမ်းချမ်းစွာစုဝေးခွင့်နဲ့ လွတ်လပ်စွာ ဖော်ထုတ်ခွင့်တွေအပါအဝင် အခြေခံ လွတ်လပ်ခွင့်တွေနဲ့ လူ့အခွင့်အရေးတွေကို လေးစားဖို့လည်း ဒီကနေ့ညနေပိုင်း ထုတ်ပြန်ချက်တခုမှာ တောင်းဆိုထားပါတယ်။

ဆန္ဒပြသူတွေကို လုံခြုံရေးတပ်ဖွဲ့တွေက အင်အားသုံး တုံပြန်ခဲ့တယ်ဆိုတဲ့ သတင်းတွေအပေါ် မြန်မာနိုင်ငံမှာရှိတဲ့ ကုလသမဂ္ဂအဖွဲ့အစည်းတွေက လွန်စွာစိုးရိမ်မိတယ်လို့ ဖော်ပြထားတဲ့ ထုတ်ပြန်ချက်ထဲမှာ ဌာနေညှိနှိုင်းရေးမှူးက အဲဒီလိုပြောထားတာပါ။

စစ်ဘက်ခေါင်းဆောင်တွေအနေနဲ့ မြန်မာလူထုရဲ့ဆန္ဒသဘောထားကို လေးစားဖို့နဲ့ ဒီမိုကရေစီစံနှုန်းတွေကို လေးစားလိုက်နာဖို့၊ မတူကွဲပြားမှုတွေကို ငြိမ်းချမ်းစွာ အပြန်အလှန် ဆွေးနွေးညှိနှိုင်းတဲ့နည်းလမ်းနဲ့ အဖြေရှာဖို့ ကုလသမဂ္ဂအတွင်းရေးမှူးချုပ်က တိုက်တွန်းထားတာကိုလည်း မစ္စတာ Almgren က ထပ်ပြီး ပြောထားပါတယ်။


ဗွီအိုအေ (မြန်မာပိုင်း)

https://burmese.voanews.com/a/mr-ola-almgren-un-said-more-power-to-use-protesters-in-myanmar/5771243.html

ဆန္ဒပြသူတွေကို အင်အားသုံးမှု လက်မခံနိုင် - ကုလဌာနညှိုနှိှုင်းရေးမှုး ဆန္ဒပြသူတွေကို အင်အားသုံးမှု လက်မခံနိုင် - ကုလဌာနညှိုနှိှုင်းရေးမှုး Reviewed by THITHTOOLWIN on 21:36 Rating: 5

No comments:

Powered by Blogger.