မြန်မာကို အကူအညီပေးတဲ့ကိစ္စ အမေရိကန် ပြန်လည်သုံးသပ်နေပြီ

နိုင်ငံခြားရေး ဌာန ပြောခွင့်ရ Ned Price

စစ်အာဏာသိမ်းခံထားရတဲ့ မြန်မာ့ အရေးကို အမေရိကန်က ဦးစားပေး အဖြစ်ထားရှိပြီး အာဏာသိမ်းတဲ့သူတွေ သိသာတဲ့ အကျိုးဆက် ခံစားရစေရေး အတွက် သုံးသပ် ဆောင်ရွက်နေကြောင်း အမေရိကန် နိုင်ငံခြားရေး ဝန်ကြီးဌာနက ဖေဖော်ဝါရီလ ၉ ရက်နေ့ အင်္ဂါနေ့မှာ ပြောဆိုလိုက်ပါတယ်။

အမေရိကန် သမ္မတ Joe Biden အစိုးရ အဖွဲ့ရဲ့ မြန်မာ အရေး တုံ့ပြန်ကိုင်တွယ်မှုတွေ ဒီရက်ပိုင်း အတွင်း ထပ်ပြီး ထွက်ပေါ်လာဖို့ ရှိတယ်လို့လည်း နိုင်ငံခြားရေး ဌာန ပြောခွင့်ရ Ned Price က ပြောပါတယ်။

“ဆန္ဒပြသူတွေကို အကြမ်းဖက်မှုကို ပြင်းပြင်းထန်ထန် ဆန့်ကျင် ရှုတ်ချပါတယ်။ မြန်မာ ပြည်သူတွေမှာ ငြိမ်းချမ်းစွာ စုဝေးခွင့်၊ သင်းပင်းဖွဲ့စည်းခွင့် ဆန္ဒပြခွင့် ရှိတယ်” လို့ ပြောခွင့်ရ Price ပြောခဲ့တာပါ။

စစ်တပ်အာဏာစွန့်ပြီး ဒီမိုကရေစီ နည်းကျ ရွေးကောက်ခံ အစိုးရကို အာဏာ ပြန်အပ်ရေး၊ ဖမ်းထားသူတွေ ပြန်လွှတ်ပေးရေး၊ ဆက်သွယ်မှု စနစ်တွေ အပေါ် ထိန်းချုပ်ကန့်သတ်မှုတွေ ဖယ်ရှားပြီး အကြမ်းဖက်တာတွေ မလုပ်ဖို့လည်း အမေရိကန် ပြည်ထောင်စုက ထပ်ပြီး တောင်းဆိုထားပါတယ်။

ဗွီအိုအေ (မြန်မာပိုင်း)

https://burmese.voanews.com/a/myanmar-situation-us-review-/5771969.html