စစ်အာဏာဆန့်ကျင်ရေးလှုပ်ရှားမှုမှာ လူထုဘက်ကနေ ရပ်တည်သွားမယ်လို့
တနင်္သာရီတိုင်း မြိတ်မြို့မှာ ဟောပြောခဲ့တဲ့ ရဲတပ်သားတစ်ဦး ဒီကနေ့ညပိုင်းမှာ ဖမ်းဆီးခံလိုက်ရပါတယ်။
ဒီဖမ်းဆီးခံလိုက်ရတဲ့ ရဲတပ်သားကို မိသားစုနဲ့ပေးတွေ့ဖို့ ဒီကနေ့ညပိုင်းမှာ မြိတ်မြို့ရဲစခန်းရှေ့မှာ ဆန္ဒပြသူတွေ စုရုံးပြီး တောင်းဆိုခဲ့ကြတာပါ။
ရဲစခန်းကို တဝိုက်ဆန္ဒပြတဲ့သူတွေ များများလာတာကြောင့် နောက်ဆုံးမှာ ရဲတပ်သားရဲ့ ဇနီးဖြစ်သူနဲ့ တာဝန်ရှိသူတချို့ကို တွေ့ဆုံခွင့်ပေးဖို့ သဘောတူခဲ့တယ်လို့ မြိတ်မြို့ ဆန္ဒပြပွဲ ဦးဆောင်သူတဦးကပြောပါတယ်။
ဒီရဲတပ်သားကို ဘယ်လိုအရေးယူထားလဲဆိုတာကိုတော့ မသိရှိရသေးပါဘူး။
ဖမ်းဆီးခံရတဲ့ရဲတပ်သားဟာ စစ်အာဏာဆန်ကျင်ရေးလူထုလှုပ်ရှားမှုကို လုံခြုံရေးယူထားရင်းက ဆန္ဒပြသူတွေနဲ့ ပူးပေါင်းပြီး စင်ပေါ်တက် စကားပြောခဲ့တာပါ။
ဒီလို တတ်ရောက်ဟောပြောခဲ့ပြီး နာရီဝက်အကြာမှာပဲ ဖမ်းဆီးခံလိုက်ရတာဖြစ်ပါတယ်။
ဒီနေ့မြိတ်မှာပြုလုပ်တဲ့ စစ်အာဏာရှင် ဆန်ကျင်ရေးဆန္ဒပြပွဲကို ပြည်သူသိန်းနဲ့ချီပါဝင်ခဲ့ပြီး ပညာရေဝန်ထမ်းတွေ၊ ကျန်းမာရေးဝန်ထမ်းတွေ၊ မြေစာရင်းဝန်ထမ်းတွေ စတဲ့ဌာနဆိုင်ရာဝန်ထမ်းတွေလည်း ပူးပေါင်းပါဝင်ခဲ့ကြပါတယ်။
RFA Burmese
Reviewed by THITHTOOLWIN
on
20:43
Rating:
No comments:
Post a Comment