မြိတ်တွင်ရဲအရာရှိအား ဓါးဖြင့်ခုတ်၍ထွက်ပြေးသူ တနင်္သာရီတွင်ဖမ်းမိ



Share/Bookmark

မြိတ်တွင်နယ်ထိန်းခေါင်းဆောင်ရဲအရာရှိအား ဇန္နဝါရီလ ၇ ရက်နေ့ ၊ညပိုင်းက ဓါးဖြင့်ခုတ်၍ထွက်ပြေးတိမ်းရှောင်သူကို တနင်္သာရီမြို့နယ်တွင်(ယနေ့)ဖမ်းဆီးရမိ ကြောင်းသိရပါတယ်။

မြိတ်မြို့၊အောင်မင်္ဂလာရပ် ၊သုခ ၆ လမ်းမှာ မူးယစ်ဆေးသတင်းအရ နယ်ထိန်းခေါင်းဆောင် ဒုရဲအုပ်မြင့်ဇော်ဦးဆောင်တဲ့အဖွဲ့ ဖမ်းဝရမ်းနဲ့အတူ သွားရောက်ဖမ်းဆီးစဥ် ကျော်ထွန်း(ခ)ဂျနား မှ နယ်ထိန်းခေါင်းဆောင်ကို ဓါးဖြင့်ခုတ်ပြီးထွက်ပြေးသွားတာပါ ။

ဖြစ်စဥ်နဲ့ပတ်သက်ပြီး မြိတ်ခရိုင်ရဲတပ်ဖွဲ့မှူး ဒုရဲမှူးကြီးကျော်မိုးသက်မှ ကြီးကြပ်ကွပ်ကဲပြီး မြို့နယ်ရဲတပ်ဖွဲ့အသီးသီးကိုချိတ်ဆက်၍ စုံစမ်းရှာဖွေရာ တနင်္သာရီမြို့နယ်၊အော်ကြီးကျေးရွာရှိ ဥယျာဥ်ခြံတွင်း ရောက်ရှိနေကြောင်းသတင်းအရ တနင်္သာရီမြို့မရဲစခန်းမှ ဒုရဲအုပ်သော်တာမျိုးဦးစီးတဲ့အဖွဲ့က သွားရောက်ဖမ်းဆီးခဲ့ကြောင်းသိရပါတယ်။

နယ်ထိန်းခေါင်းဆောင် ရဲအရာရှိကို  ဓါးဖြင့်ခုတ်သူ ကျော်ထွန်း(ခ)ဂျနား ၄၃ နှစ်၊အား တနင်္သာရီမြို့မရဲစခန်းမှ မြိတ်မြို့မရဲစခန်းသို့ လွှဲပြောင်းပေးနိုင်ရန် စီစဥ်နေကြောင်းသိရပါတယ်။


Myat Htut - Myeik

https://www.facebook.com/Myat-Htut-Myeik-222869948053294



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ