မလေးရှားမှာ ပိတ်မိနေသူ မြန်မာ ၁၀၀ ကျော် နေရပ်ပြန်လာ



Share/Bookmark
ဇန်နဝါရီလ ၂၇ ရက်နေ့က နေရပ်ပြန်ပို့ခံရတဲ့ ထိန်းသိမ်းရေးစခန်းက မြန်မာနိုင်ငံသားများ (ဓာတ်ပုံ - မြန်မာလူမှုကူညီရေးအသင်း (မလေးရှား) - ဇန်နဝါရီ ၂၇၊ ၂၀၂၁)

ကိုဗစ်ကပ်ဘေးကာလ မလေးရှားနိုင်ငံမှာ ပိတ်မိနေသူတွေနဲ့ ထိန်းသိမ်းခံထားရတဲ့ အကျဉ်းသားတွေ အပါအဝင် မြန်မာနိုင်ငံသား ၁၀၀ ကျော် ဒီကနေ့ပဲ နေရပ်ပြန်ခွင့်ရခဲ့ကြတဲ့အကြောင်းကို ဗွီအိုအေမြန်မာပိုင်း သတင်းထောက် မအေးအေးမာက ပြောပြပါမယ်။

ကပ်ရောဂါကာလ မလေးရှားနိုင်ငံမှာ သောင်တင်နေသူတွေနဲ့ ထိန်းသိမ်းရေးစခန်းတွေမှာ လွတ်ရက်စေ့နေတဲ့ မြန်မာနိုင်ငံသားတွေကို သံရုံးအစီအစဉ်နဲ့ နေရပ်ပြန်ပို့နေရာမှာ နောက်ထက် ၁၀၀ ကျော် ပြန်ခွင့်ရခဲ့ကြတာပါ။ ဒီကနေ့ နေရပ်ပြန်ခွင့်ရသူတွေထဲမှာတော့ ရက်သားအရွယ် ကလေးငယ်တယောက်အပါအဝင် ထိန်းသိမ်းရေးစခန်းတွေက လွတ်ရက်စေ့အကျဉ်းသား ၅၀ နီးပါးပါဝင်ကြောင်း မလေးရှားနိုင်ငံအခြေစိုက် မြန်မာလူမှုကူညီရေးအသင်းဥက္ကဋ္ဌ ဦးစန်းဝင်းက ပြောပါတယ်။


“ဒီနေ့မှာဆိုရင်တော့ အကြောင်းအမျိုးမျိုးကြောင့် မလေးရှားနိုင်ငံမှာ ဖမ်းဆီးထိန်းသိမ်းခံထားရတဲ့ လူ ၅၀ လောက်ပြန်သွားပါတယ်။ လူ ၅၀ ထဲမှာ မလေးရှားနိုင်ငံကနေ အောက်လမ်းလို့ ခေါ်တဲ့ တရားမဝင်လမ်းကနေ ပြန်ဖို့လုပ်ပြီး ဖမ်းဆီးခံရတာ ထိန်းသိမ်းရေးစခန်းထဲမှာ မီးဖွားသွားတဲ့အမျိုးသမီးတွေ ပါပါတယ်။ ကလေးတယောက်က ၂၂ ရက်သားပဲရှိသေးတယ်။ ကျန်တာက ၃ နှစ်သားလေး တဦး၊ တလခွဲခန့် သမီးလေးတဦး၊ နောက် ၄ နှစ်သမီးလေး တဦးလည်း ပါပါတယ်။ အားလုံး ဒီနေ့ ကယ်ဆယ်ရေးလေယာဉ်နဲ့ ပြန်သွားကြတာပါ။”

မလေးရှားထောင်တွင်း လွတ်ရက်စေ့မြန်မာတချို့ နေရပ်ပြန်

ကပ်ရောဂါ တကျော့ပြန် ကူးစက်မှုတွေကြောင့် မကြာသေးခင်ကပဲ အရေးပေါ် အခြေအနေကြေညာထားတဲ့ မလေးရှားနိုင်ငံကနေ တရားမဝင် နယ်စပ်ဖြတ်ကျော် ဝင်ထွက်နေသူတွေကိုတော့ ဒီလထဲမှာပဲ အာဏာပိုင်တွေ ဆက်တိုက်ဆိုသလို ဖမ်းဆီးနေတာပါ။ မကြာသေးခင် ရက်တွေက ဖမ်းဆီးမှုတွေကြောင့် မလေးရှားနိုင်ငံရောက် မြန်မာနိုင်ငံသားတွေအပါအဝင် နိုင်ငံခြားသားတွေ ထိုင်းနိုင်ငံ နယ်စပ်ကနေ တရားမဝင် ဖြတ်ကျော်မှုတွေ လျော့နည်းသွားတယ်လို့လည်း ဦးစန်းဝင်းကပြောပါတယ်။

“အခုရက်ပိုင်းကတော့ မလေးရှားနယ်စပ်နဲ့ ထိုင်းနယ်စပ်မှာ တရားမဝင်လမ်းကြောင်းတွေက ဖမ်းဆီးမှုတွေ များနေတာကြောင့် တရားမဝင်ပြန်တဲ့သူတွေ လျော့နည်းသွားပါတယ်။ မလေးရှားက မြန်မာသံရုံးနဲ့ မလေးရှားလဝကတို့ ကူညီပံ့ပိုးမှုနဲ့ မြန်မာပြည်က လာတဲ့ကယ်ဆယ်ရေးလေယာဉ်တွေက တပတ်ကို ၃ ကြိမ်တိုးချဲ့ ပျံသန်းပေးမယ်လို့ လူတိုင်းပြန်လို့ရတဲ့ အနေအထားဖြစ်သွားတယ်။ နောက်တခုက မလေးရှားလဝကက ဒီနှစ် ဇွန်လအထိ ဒဏ်ကြေး လျော့ပေ့ါပေးမယ်ဆိုတာရယ်၊ အားလုံးပြန်နိုင်အောင် လုပ်ပေးမယ်ဆိုတာကြောင့် လေယာဉ်နဲ့ နေရပ်ပြန်နိုင်ရေးကို အားလုံးက စောင့်နေဝကပါတယ်။”

ကိုဗစ်ကပ်ရောဂါကြောင့် သေဆုံးသူ ၇၀၀၊ ကူးစက်သူ ၁၉၀,၀၀၀ လောက်ရှိနေတဲ့ မလေးရှားနိုင်ငံမှာ ဒီလအတွင်းနေ့စဉ် လူဦးရေထောင်ချီပြီး ကပ်ရောဂါပိုး ကူးစက်နေရာမှာ အများစုက နိုင်ငံခြားသား အလုပ်သမားတွေ ဖြစ်တယ်လို့ ဆိုပါတယ်။ ဒီလိုကူးစက်မှုတွေ အများအပြားဖြစ်နေချိန်မှာ မြန်မာနိုင်ငံသားတွေကို နေရပ်ပြန်ပို့နေတာဖြစ်ပါတယ်။ 


မအေးအေးမာ/ VOA Burmese

https://burmese.voanews.com/a/malaysia-myanmar-migrant-release-flight/5753457.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ