ထိုင်းနိုင်ငံမှာ ဒီကနေ့ ကိုရိုနာဗိုင်းရပ်စ် ကူးစက်သူ လူနာသစ် ၃၆၀ ကျော်နဲ့ သေဆုံးသူ ၁ ယောက်ရှိတာကြောင့် ဘန်ကောက်မြို့နဲ့ အနီးတဝိုက် ထောင်နဲ့ ချီပြီးရှိတဲ့ စက်ရုံတွေမှာ ရောဂါပိုးစစ်ဆေးမှုတွေ ထပ်တိုးပြီး လုပ်သွားမယ်လို့ အာဏာပိုင်တွေက ပြောပါတယ်။
ရောဂါကူးစက်မှု အများဆုံးဖြစ်နေတဲ့ Samut Sakhon ခရိုင်တွင်း ရွှေ့ပြောင်းအလုပ်သမားတွေကို အဓိက အာရုံစိုက်ပြီး သက်ဆိုင်ရာက ရောဂါထိန်းချုပ်ရေး ကြိုးပမ်းနေကြတာပါ။ အဲဒီမှာရှိတဲ့ ပင်လယ်စာ စျေးတွေနဲ့ ပင်လယ်စာ ထုတ်လုပ်ရေး စက်ရုံတွေမှာ ရွှေ့ပြောင်းအလုပ်သမား ထောင်နဲ့ ချီပြီး အလုပ်လုပ်ကိုင်နေကြတာလည်း ဖြစ်ပါတယ်။
ဒီကနေ့ ကူးစက်သူ ၃၆၅ ယောက်မှာ ပြည်တွင်းကူးစက်သူ ၂၅၀၊ ရွှေ့ပြောင်းလုပ်သားတွေထဲ ၉၉ ယောက်နဲ့ ကျန် ၁၆ ယောက်က ပြည်ပကပြန်လာပြီး သီးခြားခွဲစောင့်ကြည့်စင်တာတွေမှာ စောင့်ကြည့်ထားသူတွေဖြစ်ပါတယ်။
Samut Sakhon ခရိုင်တွင်း စက်ရုံပေါင်း ၁၀,၀၀၀ ကျော်က အလုပ်သမားတွေကို ရောဂါပိုးစစ်ဆေးသွားဖို့ စီစဉ်ထားတယ်လို့ ထိုင်း COVID-19 ထိန်းချုပ်ရေး စင်တာ ပြောခွင့်ရ Taweesilp Visanuyothin က ပြောပါတယ်။
အခုထိနိုင်ငံတွင်း COVID-19 ကြောင့် သေဆုံးသူ ၆၆ ယောက်အပါအဝင် ရောဂါကူးစက်သူ ၉,၃၃၁ ယောက်ရှိပါတယ်။
ဗွီအိုအေ (မြန်မာပိုင်း)
Reviewed by THITHTOOLWIN
on
01:42
Rating:
No comments:
Post a Comment