တရုတ်နိုင်ငံ၊ Sinopharm ဆေးကုမ္ပဏီက သူတို့စမ်းသပ်နေတဲ့ COVID-19 ရောဂါကာကွယ်ဆေးဟာ ၇၉.၃% ထိရောက်မှု ရှိတယ်လို့ ဒီကနေ့ပြောပါတယ်။ နောက်ဆုံးအဆင့် စမ်းသပ်မှုကနေ ထွက်လာတဲ့ ကနဦးရလဒ်တွေအပေါ် အခြေခံပြောဆိုတာဖြစ်ပြီး ဒါဟာဖြင့် တခြားဖွံ့ဖြိုးဆဲနိုင်ငံတွေကို ကာကွယ်ဆေး အကူအညီပေးမယ်လို့ တရုတ်အစိုးရက ကတိပေးထားတာ ပြည့်မီစေဖို့ ပိုပြီး နီးသွားတဲ့သဘောပါပဲ။
Sinopharm ကုမ္ပဏီရဲ့ ကာကွယ်ဆေး စမ်းသပ်မှုဆိုင်ရာ အချက်အလက်တွေဟာ ကာကွယ်ဆေး နောက်ဆုံးအဆင့် စမ်းသပ်နေတဲ့ တရုတ်ကုမ္ပဏီတွေကြား ပထမဆုံး တရားဝင်ထုတ်ပြန်ချက်ဖြစ်ပါတယ်။
ထိရောက်မှု ၉၄% ရှိတဲ့ Moderna ကာကွယ်ဆေးနဲ့ ၉၅% ထိရောက်မှုရှိတဲ့ Pfizer/BioNTech ကာကွယ်ဆေးတွေထက်တော့ Sinopharm ကာကွယ်ဆေးရဲ့ ထိရောက်မှုရာခိုင်နှုန်းက နည်းပါတယ်။
ဒါပေမဲ့လည်း နောက်ထပ် အချက်အလက်တွေကို Sinopharm ကုမ္ပဏီက မထုတ်ပြန်ဘဲ ကာကွယ်ဆေးရဲ့ ထိရောက်မှုဆိုင်ရာ နောက်ဆုံးအတည်ပြုချက်ဟာ သိပ္ပံစမ်းသပ်မှုဆိုင်ရာ အချက်အလက်တွေ အပြည့်အစုံ ထုတ်ပြန်တဲ့အပေါ် မူတည်နေပါတယ်။
COVID-19 ကာကွယ်ဆေးတွေဟာ ယေဘုယျအားဖြင့် ၅၀% ပတ်ဝန်းကျင်ပဲ ထိရောက်မှုရှိတဲ့ တုပ်ကွေးရောဂါ ကာကွယ်ဆေးလောက်ပဲ ထိရောက်မှုရှိနိုင်မယ်လို့ သိပ္ပံပညာရှင်တွေက သတိပေးထားပါတယ်။
တရုတ်အစိုးရပိုင် Sinopharm ကုမ္ပဏီဟာ ကိုဗစ်ကာကွယ်ဆေး သုတေသနပြု စမ်းသပ်နေတဲ့ တရုတ်ကုမ္ပဏီ ငါးခုထက်မနည်းထဲမှာ တစ်ခုအပါအဝင်ဖြစ်ပါတယ်။
ဗွီအိုအေ (မြန်မာပိုင်း)
Reviewed by THITHTOOLWIN
on
01:10
Rating:
No comments:
Post a Comment