ကိုဗစ်ကာလမှာပဲ တောင်ကိုရီးယားကျောင်းသားတွေ စာမေးပွဲဖြေ



Share/Bookmark
တောင်ကိုရီးယားနိုင်ငံ Seoul မြို့ တက္ကသိုလ်ဝင်တန်းစာမေးပွဲ ဖြေဆိုဖို့စောင့်နေကြတဲ့ ကျောင်းသားများ။ (ဒီဇင်ဘာ ၀၃၊ ၂၀၂၀)

တောင်ကိုရီးယားနိုင်ငံမှာ ဗိုင်းရပ်စ်ကူးစက်မှုတွေ ပြန်မြင့်တက်နေချိန်မှာပဲ ဗိုင်းရပ်စ် ကူးစက်ခံထားရသူ ၄၁ ယောက် အပါအဝင် သိန်းနဲ့ချီတဲ့ ကျောင်းသားတွေ နှာခေါင်းစည်းတွေတပ်ပြီး တက္ကသိုလ်ဝင်တန်းစာမေးပွဲကို ဖြေဆိုခဲ့ကြပါတယ်။ ဗိုင်းရပ်စ်ကူးစက်မှုတွေကြောင့် အာဏာပိုင်တွေက တယောက်နဲ့ တယောက်ခပ်ခွာခွာနေဖို့ စည်းမျဉ်းတွေကို တင်းကြပ်ထားပါတယ်။ ကျောင်းသားကျောင်းသူ ၄၂,၆၀၀၀ ကျော် ဒီနေ့မှာ နိုင်ငံတဝန်းက စာစစ်ဌာန ၁,၃၈၀ လောက်မှာဖြေဆိုခဲ့ကြတာဖြစ်တယ်လို့ တောင်ကိုရီးယားပညာရေး ဝန်ကြီးဌာနက ပြောပါတယ်။

စာစစ်ဌာနတွေထဲမှာ ဆေးရုံတွေနဲ့ တခြား ကျန်းမာရေးဆိုင်ရာဌာနတွေလည်း ပါဝင်ပြီး၊ ဗိုင်းရပ်စ်ကူးစက်ခံရသူ ၄၁ ယောက်နဲ့ တခြားသီးသန့်ခွဲပြီး အသွားအလာကန့်ခံနေရသူ ရာပေါင်းများစွာလည်း ပါဝင်ပါတယ်။ ဒီစာမေးပွဲကို မူလက ပြီးခဲ့တဲ့ နိုဝင်ဘာလမှာ စစ်ဖို့ လုပ်ထားတာဖြစ်ပေမယ့် ဗိုင်းရပ်စ်ကူးစက်မှုတွေကြောင့် ရွှေ့ဆိုင်းခဲ့တာပါ။ တောင်ကိုရီးယားနိုင်ငံမှာတော့ ဒီနေ့မှာ ဗိုင်းရပ်စ်ကူးစက်သူ ၅၄၀ ရှိခဲ့ပါတယ်။

အိန္ဒိယနိုင်ငံမှာတော့ ဒီနေ့မှာ ဗိုင်းရပ်စ်ကူးစက်သူဦးရေဟာ ၃၅,၅၅၁ ယောက်ရှိပြီး နေ့စဉ်ကူးစက်မှု ၄၀,၀၀၀ အောက် ကျဆင်းခဲ့တာဟာ အခုဆိုရင် ၄ ရက်ဆက်တိုက်ရှိသွားပြီဖြစ်ပါတယ်။ အိန္ဒိယနိုင်ငံမှာ ဗိုင်းရပ်စ်ကူးစက်သူဦးရေ စုစုပေါင်း ၉,၅၀၀,၀၀၀ ကျော်သွားပြီဖြစ်ပါတယ်။ လွန်ခဲ့တဲ့ ၂၄ နာရီအတွင်း နောက်ထပ် ၅၂၆ ယောက် သေဆုံးခဲ့တာကြောင့် သေဆုံးသူကတော့ ၁၃၈,၆၄၈ ယောက်ရှိသွားပြီးလို့ အိန္ဒိယကျန်းမာရေးဝန်ကြီးဌာနက ပြောပါတယ်။

တိုင်ဝမ်မှာတော့ အသွားအလာကန့်သတ်ဖို့ ချမှတ်ထားတဲ့ စည်းမျဉ်းတွေကို ချိုးဖောက်တာကြောင့် Eva လေကြောင်းလိုင်းက လေယာဉ်အမှုထမ်း ၃ ယောက်ကို အလုပ်ကနေ ထုတ်ပယ်လိုက်ပါတယ်။ လေယာဉ်အမှုထမ်းတွေအနေနဲ့ ပြည်ပကနေ ပြန်ရောက်လာရင် ဘယ်မှမသွားဘဲ အိမ်မှာ ၅ ရက် သီးသန့်နေဖို့ ပြီးခဲ့တဲ့ မတ်လကစပြီး သတ်မှတ်ထားတာပါ။ အဲဒီအမှုထမ်း ၃ ယောက်ဟာ သူတို့ရဲ့ အသိမိတ်ဆွေတွေ၊ မိသားစုဝင်တွေဆီအပါအဝင် အိမ်ကနေ တခြားနေရာတွေကို သွားခဲ့တယ်လို့ဆိုပါတယ်။


ဗွီအိုအေ (မြန်မာပိုင်း)

https://burmese.voanews.com/a/skorea-entrance-examination/5685699.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ