ကန်အထက်လွှတ်တော် ဒီမိုကရက်ထိန်းချုပ်ခွင့်ရဖို့ မျှော်လင့်ချက်နည်း

မြို့တော် Washington ရှိ လွှတ်တော်အဆောက်အဦး၊ Capitol Hill။

အမေရိကန်သမ္မတရွေးကောက်ပွဲနဲ့အတူ ကျင်းပတဲ့ ကွန်ဂရက်လွှတ်တော်ရွေးကောက်ပွဲတွေမှာ အောက်လွှတ်တော်ကို ဒီမိုကရက်တွေက လူများစုနဲ့ ဆက်ထိန်းထားနိုင်မယ့် အလားအလာရှိနေပြီး အထက်လွှတ်တော်ကို ထိန်းချုပ်နိုင်ဖို့ မေ ျှာ်လင့်ချက်ကတော့ မှေးမှိန်နေပါတယ်။

အကျိတ်အနယ်ပြိုင်ရတဲ့ အထက်လွှတ်တော်နေရာ အတော်များများမှာ လက်ရှိ ရီပတ်ဘလီကန် အထက်လွှတ်တော်အမတ်တွေက ပြိုင်ဘက် ဒီမိုကရက် အမတ်လောင်းတွေကို အနိုင်ရနေပါတယ်။

ဒီလို အနိုင်ရတဲ့ထဲမှာ အထက်လွှတ်တော် ရီပတ်ဘလီကန်ခေါင်းဆောင် ကန်တပ်ကီပြည်နယ်၊ အထက်လွှတ်တော်အမတ် Mitch McConnell လည်းပါဝင်ပါတယ်။

အထက်လွှတ်တော် အမတ်အရေအတွက် ၁၀၀ ထဲမှာ ၃၅ နေရာအတွက် ယှဉ်ပြိုင်ကြရတာဖြစ်ပြီး အဲဒီထဲမှာ ၇ နေရာက အကျိတ်အနယ်ပြိုင်ရတဲ့နေရာတွေပါ။

အခုရွေးကောက်ပွဲမတိုင်မီအထိကတော့ အထက်လွှတ်တော်မှာ ရီပတ်ဘလီကန်အမတ် ၅၃ ဦး၊ ဒီမိုကရက် ၄၇ ဦးနဲ့ ရီပတ်ဘလီကန်ဘက်က အများစုလွှမ်းမိုးထားတာပါ။ ဒီမိုကရက်တွေအနေနဲ့ အထက်လွှတ်တော်ကို ထိန်းချုပ်နိုင်ဖို့ဆိုရင် ၄ နေရာအနိုင်ရဖို့လိုပါတယ်။

သမ္မတရွေးကောက်ပွဲ အနိုင်ရသူက အကောင်အထည်ဖော် လုပ်ဆောင်ချင်တာတွေကို လုပ်နိုင်ဖို့အတွက် သူ့ရဲ့ပါတီက အထက်လွှတ်တော်ကို ထိန်းချုပ်နိုင်ဖို့လိုပါတယ်။

တရားရုံးချုပ် တရားသူကြီးတွေ၊ ဖက်ဒရယ် တရားသူကြီးတွေကို ခန့်ထားဖို့ကိုလည်း အထက်လွှတ်တော်မှာ လူများစုရထားတဲ့ ပါတီကပဲ အဆုံးအဖြတ်ပေးတာဖြစ်ပါတယ်။

ဗွီအိုအေ (မြန်မာပိုင်း)

https://burmese.voanews.com/a/who-will-control-senate/5647794.html