နေပြည်တော် နိုဝင်ဘာ ၉
ရှမ်းပြည်နယ်တောင်ပိုင်း တောင်ကြီး မြို့၌ နိုဝင်ဘာ ၈ ရက်က ရွှေဆိုင်မှ ရွှေထည်ပစ္စည်းများ ခိုးယူထွက်ပြေး သွားသူနှစ်ဦးကို ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ နိုဝင်ဘာ ၈ ရက်နံနက် ၁၁ နာရီ ၅ မိနစ်ခန့်က တောင်ကြီး မြို့ကန်ရှေ့ရပ်ကွက်ရှိ“လုံဝမ်” ရွှေဆိုင် သို့ အေးသာယာမြို့ (၁၂) ရပ်ကွက်နေ ကျော်မင်းသိုက်(၃၆ နှစ်) နှင့် ဇနီး ဖြစ်သူ ဒေါ်စန္ဒာ(ခ)မငယ်(၂၇ နှစ်) တို့ ရောက်ရှိလာပြီး ရွှေဝယ်ယူလိုကြောင်း ပြောဆိုသဖြင့် အရောင်းစာရေး ဝန်ထမ်း မတင်ဇာက ရွှေဆွဲကြိုးတစ် ကုံး၊ ရွှေဆွဲသီးတစ်ခု၊ ပတ္တမြားနားဆွဲ တစ်ရန်အားထုတ်၍ပြသစဉ်ကျော်မင်း သိုက်တို့နှစ်ဦး က အဆိုပါ ရွှေထည် ပစ္စည်းများကို ယူဆောင်ထွက်ပြေး သွားသဖြင့် ကန်ရှေ့ရပ်ကွက်ဈေး မီးပွိုင့်လမ်းဆုံ၌ လုံခြုံရေးတာဝန် ကျနေသော ရဲတပ်ဖွဲ့ဝင်များနှင့် အနီး ရှိပြည်သူများက ဝိုင်းဝန်းဖမ်းဆီး ခဲ့ကြောင်း၊ ဖြစ်စဉ်နှင့် ပတ်သက်၍ ကျော်မင်းသိုက်နှင့် ဒေါ်စန္ဒာ(ခ)မငယ် တို့အား တောင်ကြီးမြို့မရဲစခန်း က အမှုဖွင့်အရေးယူထားကြောင်း သိရသည်။
ရဲပြန်ကြား
Myanmaalinn
Reviewed by THITHTOOLWIN
on
23:02
Rating:
No comments:
Post a Comment