Sally ဟာရီကိန်းမုန်တိုင်း အမေရိကန်တောင်ပိုင်းပြည်နယ်တွေကို ခြိမ်းခြောက်နေ

အမေရိကန်ပြည်ထောင်စု တောင်ပိုင်းက Louisiana နဲ့ Mississippi ပြည်နယ်တွေ ဆီကို ဦးတည်ရွေ့လျားလာနေတဲ့ အားပြင်း ဟာရီကိန်းမုန်တိုင်း Sally ဟာ တနင်္လာနေ့မှာ လေတိုက်နှုန်း ပြင်းအား တနာရီကို မိုင် ၉ ၀ နဲ့ ကမ်းရိုးတန်းတလေ ျှာက် တိုက်ခတ်နေ ပါတယ်။ မိုးသည်းထန်စွာ ရွာသွန်းပြီး မိုးရေချိန် က ၂၃ လက်မခွဲ ကျော်အထိ ဖြစ်သွားနိုင်တာကြောင့် ဆိုးဝါးတဲ့ ရေကြီးရေလ ျှံမှုတွေနဲ့ ကြုံရနိုင်တယ်လို့ သတိပေးချက်တွေ ထုတ်ပြန်ထားပါတယ်။

Louisiana တောင်ပိုင်းကို အင်္ဂါနေ့မှာ ဟာရီကိန်း Sally ဝင်ရောက်နိုင်တာကြောင့် ရေနဲ့ တခြားလိုအပ်တဲ့ ပစ္စည်းတွေကို ဒေသခံတွေ အပြေးအလွှား စုဆောင်းနေကြတာပါ။

ဟာရီကိန်း Sally ဟာ ကမ်းရိုးတန်းနားမှာ ဟာရီကိန်း ပြင်းအားအဆင့် ၂ ဖြစ်လာပြီး လေတိုက်နှုန်းက တနာရီ ၁၀၅ မိုင်နှုန်းရှိနိုင်တယ်လို့ ဟာရီကိန်းမုန်တိုင်း စောင့်ကြည့်ခန့်မှန်းသူတွေက ပြောပါတယ်။ Louisiana နဲ့ Mississippi ပြည်နယ်တွေမှာ နေထိုင်သူတွေ အတွက် မုန်တိုင်း သတိပေးချက်တွေ ထုတ်ပြန်ထားပါတယ်။

ဟာရီကိန်း Sally နဲ့အတူတချိန်ထဲမှာပဲ တိုက်ခတ်နေတဲ့ ဟာရီကိန်း Paulette ကတော့ တနင်္လာနေ့မှာ Bermuda ဒေသကို ဖြတ်သန်းသွားဖို့ရှိပါတယ်။ ဟာရီကိန်း Sally ကတော့ တနင်္လာနေ့ နေ့လည်ပိုင်းမှာ Mississippi ပြည်နယ် Biloxi အရှေ့တောင်ဘက် မိုင် ၁၆၀ ကျော် အကွာမှာ ရောက်နေပြီဖြစ်ပြီး Mississippi မြစ်ဝကျွန်းပေါ်ဒေသမှာ မိုးသည်းထန်စွာ ရွာသွန်းနိုင်ပြီး ကမ်းခြေတွေမှာ လှိုင်းက ၄ ပေကနေ ၆ ပေ လောက်အထိမြင့်မား နိုင်ကြောင်း NHC ဟာရီကိန်းစင်တာက ခန့်မှန်းထားပါတယ်။

သြဂုတ်လ ၂၇ ရက်တုန်းကလည်း ဒီဒေသတွေမှာ ဟာရီကိန်း Laura ဒဏ် ခံခဲ့ရပြီး လူပေါင်း ၃၂ ဦးသေဆုံးခဲ့ရပါတယ်။ အများစုက Louisiana က ဖြစ်ပါတယ်။

Alabama ပြည်နယ်အုပ်ချုပ်ရေးမှုးက တော့ အပမ်းဖြေကမ်းခြေတွေကို ပိတ်ခိုင်းထားပြီး လူတွေ ဘေးလွတ်ရာ ရှောင်ခိုင်းထားပါတယ်။ 

ဗွီအိုအေ (မြန်မာပိုင်း)

https://burmese.voanews.com/a/sally-hurricane-us-southern-/5583781.html