 |
| သြစတြေးလျနိုင်ငံ Melbourne မြို့ရှိ ဆိုင်တခုရှေ့ကနေ ဖြတ်လျှောက်သွားတဲ့ အမျိုးသမီးနှစ်ဦး။ (သြဂုတ် ၀၃၊ ၂၀၂၀) |
COVID-19 ကူးစက်ပျံ့နှံ့နေတဲ့ သြစတြေးလျနိုင်ငံ ဝိတိုရိယပြည်နယ် Melbourne မြို့မှာ သိပ်အရေးမကြီးတဲ့ စီးပွါးရေးလုပ်ငန်းတွေကို သီတင်း ၆ ပတ်ပိတ်ထားဖို့ အမိန့်ထုတ်လိုက်ပါတယ်။ နိုင်ငံတွင်း ကူးစက်မှု အားလုံးနီးပါးက ဒုတိယအကြီးဆုံးမြို့ဖြစ်တဲ့ Melbourne မှာ ဖြစ်နေတဲ့အတွက် သက်ဆိုင်ရာ တာဝန်ရှိသူတွေက ရောဂါကိုထိန်းချုပ်နိုင်ဖို့ ကြိုးစားနေကြတာပါ။
ဒီကနေ့ တရက်ထဲ Melbourne မြို့အပါအဝင် ဝိတိုရိယပြည်နယ်ထဲမှာ ကူးစက်သူ ၄၂၉ ယောက်နဲ့ သေဆုံးသူ ၁၃ ယောက်ရှိပါတယ်။ မြို့တွင်း စျေးဆိုင်အတော်များများနဲ့ ဆောက်လုပ်ရေးလုပ်ငန်းတွေ၊ အသားထုတ်လုပ်တဲ့ စက်ရုံတွေကိုလည်း သောကြာနေ့ကတည်းကစပြီး အချိန်အကန့်အသတ်နဲ့ပဲ ဖွင့်ခွင့်ပြုထားခဲ့တာပါ။
ပြည်နယ်တွင်း နာမကျန်းဖျားနာခွင့်ခံစားမှု မရှိတဲ့ အလုပ်သမားတွေအနေနဲ့ ရောဂါကူးစက်ခံရရင် အိမ်မှာပဲ သီးခြားခွဲနေရမှာဖြစ်ပြီး အစိုးရက ဒေါ်လာ ၁,၀၀၀ ထောက်ပံ့ပေးသွားမယ်လို့ သြစတြေးလျ ဝန်ကြီးချုပ် Scott Morrison က ဒီကနေ့ပြောပါတယ်။ COVID-19 ကူးစက်ခံရပြီး ရောဂါလက္ခဏာခံစားရသူတွေအနေနဲ့ ငွေရေးကြေးရေးအခက်အခဲကြောင့် အလုပ်ဆင်းနေရင် တခြားလူတွေကို ကူးစက်မှာကို မလိုလားတဲ့အတွက် အစိုးရက အခုလို ငွေကြေး ထောက်ပံ့ပေးပြီး အိမ်တွေမှာပဲ နေကြဖို့ တိုက်တွန်းထားတာဖြစ်ပါတယ်။
ဖိလစ်ပိုင်နိုင်ငံမှာလည်း COVID-19 ကူးစက်သူ ၁၀၀,၀၀၀ ကျော်လာတဲ့ အတွက် မြို့တော် Manila နဲ့ နောက်ထပ် ပြည်နယ် ၅ ခုမှာ သီတင်း ၂ ပတ်ကြာ အသွားအလာ ကန့်သတ်ချက်တွေ ချမှတ်သွားဖို့ရှိပါတယ်။ အသွားအလာတွေ ကန့်သတ်ထားတဲ့ အချိန်တွင်း အရေးတကြီး ခရီးသွားလာမှုတွေကလွဲလို့ လူစုလူဝေးနဲ့ သွားလာတာတွေကို တားမြစ်ထားပါတယ်။
ဗွီအိုအေ (မြန်မာပိုင်း)
Melbourne မြို့ စီးပွားရေးလုပ်ငန်းများ တလခွဲရပ်ဖို့ အမိန့်ထုတ်
Reviewed by THITHTOOLWIN
on
18:10
Rating:
Reviewed by THITHTOOLWIN
on
18:10
Rating:
No comments:
Post a Comment