ဒီမိုကရက်တစ်ပါတီ သမ္မတကိုယ်စားလှယ်လောင်းအဖြစ်ရွေးချယ်ခံရတဲ့ Joe Biden။ |
နိုဝင်ဘာမှာ ကျင်းပမယ့် သမ္မတရွေးကောက်ပွဲမှာ ဒီမိုကရက်တစ်ပါတီ သမ္မတကိုယ်စားလှယ်လောင်းအဖြစ် Joe Biden ကို နိုင်ငံလုံးဆိုင်ရာညီလာခံဒုတိယနေ့မှာ တရားဝင်ရွေးချယ်လိုက်ပါပြီ။
ပါတီညီလာခံမှာ မစ္စတာ Biden ရဲ့ ဦးဆောင်မှု စွမ်းရည်အချင်းကို ချီးကျူးပြောဆိုပြီး သမ္မတ Donald Trump ရဲ့ လုပ်ရည်ကိုင်ရည်အေပေါ် ဝေဖန်ခဲ့သူတွေထဲမှာထင်ရှားတဲ့ ရီပတ်ဘလစ်ကန်တွေလည်းပါဝင်လာပါတယ်။ ဒီမိုကရက်ပါတီဘက်ကနေ သမ္မတရွေးကောက်ပွဲဝင်ပြိုင်ကြသူအများအပြားရှိခဲ့ပေယ့် ပြည်နယ်အလိုက်ကျင်းပတဲ့ ပါတီတွင်း အကြိုရွေးကောက်ပွဲမှာ တဖြည်းဖြည်း ရှုံးနိမ့်ခဲ့တာကြောင့် နောက်ဆုံးမှာ Joe Biden ကို ပါတီရဲ့ သမ္မတ ကိုယ်စားလှယ်လောင်းအဖြစ်လတွေနဲ့ချီ လျာထားခဲ့ကြတာဖြစ်ပါတယ်။
အဲဒီလို သမ္မတ မဲဆွယ်စည်းရုံးပွဲတွေ ရပ်နားခဲ့ကြသူတွေထဲမှာ Biden ရဲ့ အဓိက ပြိုင်ဖက်ဖြစ်တဲ့ ဗားမောင့်ပြည်နယ် အထက်လွှတ်တော်အမတ် Bernie Sanders လည်း ပါဝင်ပါတယ်။ ၄ ရက်တာကျင်းပတဲ့ ပါတီညီလာခံ ဒုတိယနေ့မှာတော့ အစဉ်အလာအတိုင်း သမ္မတကိုယ်စားလှယ်လောင်းကို ပြည်နယ်အလိုက် တရားဝင်မဲပေးကြတာဖြစ်ပါတယ်။
သက်ဆိုင်ရာပြည်နယ်နဲ့ ဒေသအသီးသီးကနေ ပါတီကိုယ်စားလှယ်တွေက Joe Biden ကို ထောက်ခံမဲပေးခဲ့ကြတာဖြစ်ပါတယ်။ Joe Biden ကလည်း ခုလို ပါတီသမ္မတကိုယ်စားလှယ်လောင်းအဖြစ် ရွေးချယ်ခံရတာသူနဲ့ သူ့မိသားစုက အတိုင်းမသိ ဝမ်းသာမိပါတယ်လို့ ပြောပါတယ်။ လာမယ့် ကြာသပတေးနေ့ညမှာတော့ Joe Biden က သမ္မတကိုယ်စားလှယ်လောင်းအဖြစ် တရားဝင်လက်ခံ စကားပြောရမှာဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com/a/democratic-convention/5549463.html
No comments:
Post a Comment