 |
ကော့ကရိတ် သြဂုတ် ၁၀
ကရင်ပြည်နယ် ကော့ကရိတ်မြို့နယ် မြဝတီ-ကော့ကရိတ် အာရှလမ်းရှိ တောနော်ရေတံခွန်တွင် သြဂုတ် ၉ ရက် မွန်းလွဲ ၂ နာရီ ၄၅ မိနစ်အချိန်က လူငယ်တစ်ဦး ရေနစ်နေကြောင်း သတင်းအရ ကော့ကရိတ်မြို့နယ် ရဲတပ်ဖွဲ့မှူး ရဲမှူး ကျော်သူရ နှင့် တပ်ဖွဲ့ဝင်များမှ သွားရောက်ခဲ့ကြသည်။
ဖြစ်စဥ်မှာ မောင်ချစ်ဝင်းထွန်း၊၁၉နှစ်၊(ယခု၁၀တန်း အောင်)သည် သူငယ်ချင်းဖြစ်သူ မောင်မင်းအောင်ပိုင်၊ မောင်မင်းခန့်ဦး၊ မနန်းစကားဝါရွှေစင်၊ မသော်တာအေးဘို၊ မမိုးပပမိုင်၊ မဟေမာဝင်းတို့နှင့်အတူ နံနက် ၉ နာရီ ခွဲအချိန် ဆိုင်ကယ်(၄)စီးဖြင့် ထွက်လာရာ ၁၁ နာရီအချိန် တောနော် ရေတံခွန်သို့ ရောက်ရှိပြီး အမျိုးသား (၃) ဦးမှာ ရေကစားကြပြီး အမျိုးသမီး(၄)ဦးမှာ ကျောက်ဆောင်ကျောက်တုံးပေါ်တွင် ကျန်ရစ်ခဲ့ကြောင်း သိရသည်။
 |
ထိုသို့ အမျိုးသား(၃)ဦး ရေကစားနေစဥ် ၁၁ နာရီခွဲအချိန် ချစ်ဝင်းထွန်းမှာ ရေတံခွန်အောက်ခြေ ရေအိုင်၌ ရေနစ်သွားခဲ့သဖြင့် ကယ်ဆယ်ရေး အဖွဲ့များနှင့်အတူ ဆက်လက်ရှာဖွေလျက်ရှိကြောင်း သိရသည်။
စိုးထက်အောင် (ပြန်/ဆက်)
Myanmaalinn
Reviewed by THITHTOOLWIN
on
21:18
Rating:
No comments:
Post a Comment