မ​လေးရှားဝန်ကြီးချုပ်ဟောင်း ထောင်ဒဏ် ၁၂ နှစ် ပြစ်ဒဏ်ချမှတ်ခံရ



Share/Bookmark
မလေးရှား ဝန်ကြီးချုပ်ဟောင်း Najib Razak
မလေးရှား ဝန်ကြီးချုပ်ဟောင်း Najib Razak ကို 1MDB ရင်းနှီးမြှုပ်နှံမှု ရန်ပုံငွေကို အလွဲသုံးစား လုပ်မှုနဲ့ ဆက်နွယ်တဲ့ ပြစ်မှုတွေနဲ့ လာဘ်စားမှုနဲ့ အာဏာအလွဲသုံးစားမှုအပါအဝင် စွဲချက်တင်ထားတဲ့ ရာဇဝတ်မှုတွေအတွက် ထောင်ဒဏ် ၁၂ နှစ် ကျခံဖို့နဲ့ ငွေဒဏ် အမေရိကန် ဒေါ်လာ ၄၉.၃ သန်းပေးဆောင်ဖို့ မလေးရှား တရားရုံးချုပ်က ဒီကနေ့ အင်္ဂါနေ့ ချမှတ်လိုက်ပါတယ်။ဒါ့အပြင် ယုံကြည်မှု ချိုးဖောက်မှု နဲ့ ငွေကြေး ခဝါချမှု ဆိုင်ရာ နောက်ထပ် ပြစ်မှုတွေအတွက် ထောင်ဒဏ် ၁၀ နှစ်စီကျခံဖို့ ချမှတ်လိုက်ပါတယ်။ သူ့ အနေနဲ့ ထောင်ဒဏ်တွေကို တပေါင်းတည်း ကျခံဖို့ တရားရုံးက ဆုံးဖြတ်လိုက်တာပါ။

အာဏာ အလွဲသုံးစားမှု၊ ယုံကြည်မှုကို ချိုးဖောက်မှုနဲ့ ငွေကြေးခဝါချမှု ပြစ်မှုတွေနဲ့ စီရင်ချက်ချခံရတာအပြင် Najib ဟာ SRC INTERNATIONAL ကနေ အမေရိကန် ဒေါ်လာ ၁၀ သန်း တရားမဝင် လက်ခံရယူခဲ့တယ်လို့လည်း အစိုးရ ရှေ့နေတွေက စွပ်စွဲထားပါတယ်။ ဝန်ကြီးချုပ်ဟောင်း Najib Razak က သူအမှားလုပ်ထားတာ မရှိကြောင်းနဲ့ အခုလို ပြစ်ဒဏ်ချမှတ်တဲ့ အပေါ် အယူခံ ဝင်မယ်လို့ ပြောပါတယ်။

Najib ဟာ ၂၀၀၉ ခုနှစ်က သူကိုယ်တိုင် တည်ထောင်ခဲ့တဲ့ 1MDB ရန်ပုံငွေထဲကနေ ဒေါ်လာ ၄.၅ ဘီလီယံ အလွဲသုံးစား ပြုမှုနဲ့ ဆက်နွယ်တဲ့ စွဲချက်ပေါင်း ၄၂ ခုအထိ ရင်ဆိုင်နေရတာ ဖြစ်ပါတယ်။ အဲဒီ ငွေတွေကို သူက ဟိုတယ်တွေ၊ ရွက်လှေသင်္ဘောတစ်စီး၊ လက်ဝတ်ရတနာနဲ့ ဂန္ဓဝင် ပန်းချီကားတွေလို အဖိုးတန် ပစ္စည်းတွေ ဝယ်ယူရာမှာ အသုံးပြုခဲ့တယ်လို့ အမေရိကန် စုံစမ်းစစ်ဆေးရေးမှူးတွေက ပြောပါတယ်။

Najib ရဲ့ ဇနီး Rosmah Mansour ဟာလည်း အကျင့်ပျက်ခြစားမှု စွဲချက် တော်တော်များများနဲ့ ရင်ဆိုင်နေရတာ ဖြစ်ပါတယ်။ သူတို့ရဲ့ အိမ်ကို မလေးရှား လုံခြုံရေးတပ်ဖွဲ့တွေ ဝင်ရောက် စီးနင်းရှာဖွေချိန်မှာ ငွေသား အမေရိကန် ဒေါ်လာ သန်း ၂၇၀ နဲ့အတူ လက်ဝတ်ရတနာ တွေ၊ အဖိုးတန် လက်ကိုင်အိတ်တွေနဲ့ တခြား တန်ဖိုးကြီး ပစ္စည်းတွေကို ရှာဖွေ တွေ့ရှိခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com/a/malaysia-najib-razak-verdict/5520523.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ