မလေးရှား ဝန်ကြီးချုပ်ဟောင်း Najib Razak |
အာဏာ အလွဲသုံးစားမှု၊ ယုံကြည်မှုကို ချိုးဖောက်မှုနဲ့ ငွေကြေးခဝါချမှု ပြစ်မှုတွေနဲ့ စီရင်ချက်ချခံရတာအပြင် Najib ဟာ SRC INTERNATIONAL ကနေ အမေရိကန် ဒေါ်လာ ၁၀ သန်း တရားမဝင် လက်ခံရယူခဲ့တယ်လို့လည်း အစိုးရ ရှေ့နေတွေက စွပ်စွဲထားပါတယ်။ ဝန်ကြီးချုပ်ဟောင်း Najib Razak က သူအမှားလုပ်ထားတာ မရှိကြောင်းနဲ့ အခုလို ပြစ်ဒဏ်ချမှတ်တဲ့ အပေါ် အယူခံ ဝင်မယ်လို့ ပြောပါတယ်။
Najib ဟာ ၂၀၀၉ ခုနှစ်က သူကိုယ်တိုင် တည်ထောင်ခဲ့တဲ့ 1MDB ရန်ပုံငွေထဲကနေ ဒေါ်လာ ၄.၅ ဘီလီယံ အလွဲသုံးစား ပြုမှုနဲ့ ဆက်နွယ်တဲ့ စွဲချက်ပေါင်း ၄၂ ခုအထိ ရင်ဆိုင်နေရတာ ဖြစ်ပါတယ်။ အဲဒီ ငွေတွေကို သူက ဟိုတယ်တွေ၊ ရွက်လှေသင်္ဘောတစ်စီး၊ လက်ဝတ်ရတနာနဲ့ ဂန္ဓဝင် ပန်းချီကားတွေလို အဖိုးတန် ပစ္စည်းတွေ ဝယ်ယူရာမှာ အသုံးပြုခဲ့တယ်လို့ အမေရိကန် စုံစမ်းစစ်ဆေးရေးမှူးတွေက ပြောပါတယ်။
Najib ရဲ့ ဇနီး Rosmah Mansour ဟာလည်း အကျင့်ပျက်ခြစားမှု စွဲချက် တော်တော်များများနဲ့ ရင်ဆိုင်နေရတာ ဖြစ်ပါတယ်။ သူတို့ရဲ့ အိမ်ကို မလေးရှား လုံခြုံရေးတပ်ဖွဲ့တွေ ဝင်ရောက် စီးနင်းရှာဖွေချိန်မှာ ငွေသား အမေရိကန် ဒေါ်လာ သန်း ၂၇၀ နဲ့အတူ လက်ဝတ်ရတနာ တွေ၊ အဖိုးတန် လက်ကိုင်အိတ်တွေနဲ့ တခြား တန်ဖိုးကြီး ပစ္စည်းတွေကို ရှာဖွေ တွေ့ရှိခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com/a/malaysia-najib-razak-verdict/5520523.html
မလေးရှားဝန်ကြီးချုပ်ဟောင်း ထောင်ဒဏ် ၁၂ နှစ် ပြစ်ဒဏ်ချမှတ်ခံရ
Reviewed by THITHTOOLWIN
on
21:26
Rating: